Click it and Unblock the Notifications
Just In
Don't Miss
-
നിങ്ങളുടെ കൂടെ 13 വര്ഷമായെന്ന് സുപ്രിയ! അന്ന് നമ്മളും കുട്ടികളെങ്കില് ഇന്നൊരു കുട്ടിയുടെ മാതാപിതാക്കളായി! -
ചാണക്യനീതി: ദൈവം സൃഷ്ടിച്ചത് വെറുതേയല്ല; പക്ഷികളില് നിന്ന് മനുഷ്യന് പഠിക്കേണ്ട 3 ഗുണങ്ങള് -
2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ വീഡിയോ റിവ്യൂ കാണാം -
IPL 2024: മുംബൈ ശക്തരായ ടീം, പക്ഷെ ഇത്‌ പേപ്പറില് മാത്രമാണ്! പരിഹസിച്ച് എബിഡി -
ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്‌തു -
260 ശതമാനം ലാഭം, നിക്ഷേപകരുടെ ഹൃദയം കവർന്ന കെമിക്കൽ ഓഹരി, നിങ്ങളുടെ കയ്യിലുണ്ടോ..? -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
സംഗീതയ്‌ക്കെതിരെ പൊലീസ്; പൊലീസിനെതിരെ സംഗീത
ഓദ്യോഗിക കൃത്യനിര്‍വ്വഹണം തടസ്സപ്പെടുത്തിയതിന്‌ സംഗീതയ്‌ക്കെതിരെ മ്യൂസിയം പൊലീസ് ബുധനാഴ്‌ച കേസെടുത്തു. ഡ്യൂട്ടിയിലുണ്ടായിരുന്ന ട്രാഫിക്‌ പൊലീസുകാരന്‍ വണ്ടിനിര്‍ത്താന്‍ ആവശ്യപ്പെട്ടിട്ടും നിര്‍ത്താതെ കാല്‍നടയാത്രക്കാരിയെ വണ്ടിയിടിക്കാന്‍ തുടങ്ങിയെന്നാണ്‌ കേസ്‌.
ഇത്‌ ചോദ്യം ചെയ്‌ത പൊലീസുകാരനെ നടി ചീത്തവിളിച്ചതിനും കേസെടുത്തിട്ടുണ്ട്‌. ബുധനാഴ്‌ച വൈകീട്ട്‌ നാലരയ്‌ക്ക്‌ കോര്‍പ്പറേഷന്‍ ഓഫീസിന്‌ മുന്നില്‍ ഡ്യൂട്ടിയിലുണ്ടായിരുന്ന പൊലീസുകാരനുമായി ഉണ്ടായ വാക്കുതര്‍ക്കമാണ്‌ സംഭവത്തിന്‌ തുടക്കമിട്ടത്‌. സംഭവത്തിനിടെ പൊലീസുകാരന്‍ തന്നെ അസഭ്യം പറഞ്ഞുവെന്ന്‌ ആരോപിച്ച സംഗീത അയാളോട്‌ മാപ്പപേക്ഷ എഴുതി വാങ്ങുകയും ചെയ്‌തു.
നാലുമണിയോടെ എല്‍എംഎസ്‌ ഭാഗത്തുനിന്നും നന്തന്‍കോട്‌ ഭാഗത്തേയ്‌ക്ക്‌ വന്ന സംഗീതയുടെ കാര്‍ ഒരു സ്‌ത്രീയെ ഇടിക്കുമെന്ന്‌ കണ്ടാണ്‌ പൊലീസുകാരന്‍ വണ്ടിയ്‌ക്ക്‌ കൈകാണിച്ചത്‌. തുടര്‍ന്ന്‌ സംഗീതയും പൊലീസുകാരനും തമ്മില്‍ വാക്കു തര്‍ക്കം തുടങ്ങി. പെട്ടെന്ന്‌ സ്ഥലത്ത്‌ ജനങ്ങള്‍ തടിച്ചുകൂടി. പൊലീസുകാരന്‍ തന്നെ അസഭ്യം പറഞ്ഞെന്ന്‌ ആരോപണമുന്നയിച്ച സംഗീതയെ ഒരുവിധത്തില്‍ അനുനയിപ്പിച്ച്‌ പൊലീസ് സ്റ്റേഷനിലെത്തിച്ചു.
തുടര്‍ന്ന്‌ പൊലീസുകാരന്‍ മാപ്പെഴുതിത്തരണമെന്ന്‌ സംഗീത ആവശ്യപ്പെട്ടു. അതുപ്രകാരം അയാള്‍ മാപ്പപേക്ഷ എഴുതി നല്‍കുകയും ചെയ്‌തു. ഈ മാപ്പപേക്ഷയുമായിട്ടാണ്‌ മ്യൂസിയം പൊലീസ് സ്റ്റേഷനില്‍ നിന്നും സംഗീത പുറത്തുവന്നത്‌. സംഭവം ജനങ്ങള്‍ അറിയുന്നത്‌ തങ്ങള്‍ക്ക്‌ നാണക്കേടുണ്ടാക്കുമെന്ന്‌ കരുതി പൊലീസ് പിന്നീട്‌ കൃത്യനിര്‍വ്വഹണം തടസ്സപ്പെടുത്തിയെന്ന്‌ കാണിച്ച്‌ സംഗീതയ്‌ക്കെതിരെ കേസെടുക്കുകയായിരുന്നുവത്രേ.
എന്നാല്‍ ഏകപക്ഷീയമായി കേസെടുത്തുവെന്ന്‌ ആരോപണം ഉയര്‍ന്നപ്പോള്‍ സംഗീത നല്‍കിയ പരാതിയന്മേല്‍ പൊലീസുകാരനെതിരെയും കേസെടുത്തിട്ടുണ്ടെന്നായിരുന്നു പൊലീസിന്റെ വാദം. എന്നാല്‍ പൊലീസുകാരന്‍ മാപ്പെഴുതിത്തന്നതിനാല്‍ തന്റെ കേസ്‌ പിന്‍വലിച്ചതായി താന്‍ രേഖാമൂലം എഴുതിക്കൊടുത്തിട്ടുണ്ടെന്ന്‌ സംഗീത പറയുന്നു.
മാത്രമല്ല മ്യൂസിയം പൊലീസ് തനിക്കെതിരെ കേസെടുത്ത കാര്യം അറിയില്ലെന്നും ഇവര്‍ പറഞ്ഞു. മുമ്പ്‌ മദ്യപിച്ച്‌ ലക്കുകെട്ട്‌ രാത്രിയില്‍ വണ്ടിയോടിച്ച സംഗീതയെ പൊലീസ് കസ്റ്റഡിയിലെടുത്തിരുന്നു. ഇതിനെത്തുടര്‍ന്ന്‌ സംഗീത മാധ്യമങ്ങളുടെ ശ്രദ്ധാ കേന്ദ്രമായിരുന്നു.
