കോണ്ടിനെന്റലിന്റെ കത്ത്‌ ലഭിച്ചില്ല: കലാം

കൊച്ചി: തന്നെ ദേഹപരിശോധനയ്‌ക്ക്‌ വിധേയമാക്കിയതുമായി ബന്ധപ്പെട്ട്‌ കോണ്ടിനെന്റല്‍ എയര്‍ലൈന്‍സിന്റെ ഭാഗത്തു നിന്നും യാതൊരു പ്രതികരണവും ലഭിച്ചിട്ടില്ലെന്ന്‌ മുന്‍ രാഷ്ട്രപതി എപിജെ അബ്ദുള്‍ കലാം കൊച്ചിയില്‍ പറഞ്ഞു. കലാമിനോട്‌ കമ്പനി മാപ്പു പറഞ്ഞതായി ദേശീയമാധ്യമങ്ങളടക്കം നേരത്തേ റിപ്പോര്‍ട്ടു ചെയ്‌തിരുന്നു. എന്നാല്‍ ഇത്‌ സംബന്ധിച്ച്‌ കത്തൊന്നും ലഭിച്ചിട്ടില്ലെന്നാണ്‌ കലാം വെളിപ്പെടുത്തിയിരിക്കുന്നത്‌.

വിവാദവിഷയത്തെ പറ്റി ആദ്യമായാണ്‌ മുന്‍ രാഷട്രപതിയുടെ ആദ്യ പ്രതികരണമായിരുന്നു കൊച്ചിയിലേത്‌. എന്നാലിക്കാര്യത്തെപ്പറ്റി കൂടുതലെന്തെങ്കിലും പറയാന്‍ അദ്ദേഹം കൂട്ടാക്കിയില്ല.

വിഷയത്തില്‍ പാര്‍ലമെന്റില്‍ വിശദമായ ചര്‍ച്ച നടന്നതിനാല്‍ താന്‍ കൂടുതല്‍ പ്രതികരിയ്‌ക്കുന്നില്ലെന്ന്‌ അദ്ദേഹം വ്യക്തമാക്കി.. സ്വകാര്യ ചടങ്ങുകള്‍ക്കായി ബുധനാഴ്‌ച കൊച്ചിയിലെത്തിയ അബ്‌ദുള്‍ കലാമിനോട്‌, എറണാകുളം ഗസ്റ്റ്‌ ഹൗസില്‍ മാധ്യമപ്രവര്‍ത്തകര്‍ ആവര്‍ത്തിച്ചു ചോദിച്ചപ്പോഴാണ്‌ അദ്ദേഹം ഇക്കാര്യം പറഞ്ഞത്