ലാദന്റെ മകന് കൊല്ലപ്പെട്ടിരിയ്ക്കാം
വാഷിങ്ടണ്: അല് ക്വയദ തലവന് ഒസാമ ബിന്ലാദന്റെ മകന് അമേരിക്കന് മിസൈല് ആക്രമണത്തില് കൊല്ലപ്പെട്ടിരിയ്ക്കാമെന്ന് മാധ്യമങ്ങള് റിപ്പോര്ട്ട് ചെയ്തു.
ഈ വര്ഷമാദ്യം പാകിസ്താനിലെ ഗോത്ര മേഖലയില് അമേരിക്ക നടത്തിയ ആക്രമണത്തില് ലാദന്റെ മൂന്നാമത്തെ മകന് സാദ് ബിന് ലാദന് കൊല്ലപ്പെട്ടിരിക്കാമെന്ന് അമേരിക്കയിലെ നാഷണല് പബ്ലിക് റോഡിയോ വെബ്സൈറ്റാണ് റിപ്പോര്ട്ട് ചെയ്തിരിയ്ക്കുന്നത്.
ഇരുപതുകാരനായ സാദ് ബിന് ലാദന് അല്ക്വയ്ദയുടെ സജീവാംഗമൊന്നുമല്ല. തെറ്റായ സ്ഥലത്ത് തെറ്റായ സമയത്താണ് സാദ് എത്തിപ്പെട്ടത്. അയാള് യുഎസ് സേനയുടെ ലക്ഷ്യമൊന്നുമായിരുന്നില്ല.
അമേരിക്കന് ഭീകരവിരുദ്ധ സേനയിലെ മുതിര്ന്ന ഉദ്യോഗസ്ഥന് പറഞ്ഞു. അതേ സമയം മൃതദേഹം കണ്ടെടുത്ത് ഡിഎന്എ പരിശോധന നടത്താതെ ഔദ്യോഗിക സ്ഥിരീകരണം നടത്താനാവില്ലെന്നും അധികൃതര് വ്യക്തമാക്കി. എന്നാല് സാദിന്റെ മരണം ചാരസംഘടനകള് 80-85 ശതമാനം വരെ ഉറപ്പാക്കിയിട്ടുണ്ട്.