ടെക്സസില് തൊഴിലില്ലായ്മ രൂക്ഷമാകുന്നു
ഡാലസ്: അമേരിക്കയില് തൊഴിലില്ലായ്മ അതിരൂക്ഷമാകുന്നു. ടെക്സസില് മാത്രം തൊഴില് ഇല്ലാത്തവരുടെ എണ്ണം 353,881 ആയി വര്ധിച്ചു.
2008ല് ഇതേസമയം 139.592 പേരായിരുന്നു തൊഴില്ലാത്തവരായി ടെക്സാസില് ഉണ്ടായിരുന്നത്. ഇപ്പോള് ഇവിടെ നിലവിലുള്ള നിയമമനുസരിച്ച് തൊഴില് നഷ്ടപ്പെട്ട അര്ഹരായവര്ക്ക് 59 ആഴ്ചവരെ തൊഴിലില്ലായ്മ വേതനം ലഭിയ്ക്കും.
എന്നാല് തുടര്ച്ചയായി 59 ആഴ്ച ഈ ആനുകൂല്യം വാങ്ങുന്ന 15000 പേരുടെ കാലാവധി കഴിഞ്ഞ ജൂണില് അവസാനിച്ചിരിക്കുകയാണ്. ഈ സാഹചര്യത്തിലാണ് ജൂണ് 21ന് ടെക്സാസ് വര്ക്ക് ഫോഴ്സ് കമ്മീഷനില മൂന്ന് അംഗങ്ങള് യോഗം ചേര്ന്ന് 13 ആഴ്ചകൂടി ഈ ആനുകൂല്യം നല്കുവാന് തീരുമാനിച്ചത്.
അടുത്ത നവംബറില് 59 ആഴ്ച പൂര്ത്തീകരിക്കുന്ന 100,000 പേര്ക്ക് കൂടി ഈ ആനുകൂല്യം ലഭിയ്ക്കും. തൊഴില് നഷ്ടപ്പെട്ട ഒട്ടേറെപ്പേര്ക്ക് ഈ തീരുമാനം താല്ക്കാലിക ആശ്വാസമാകും. മിക്ക രാജ്യങ്ങളും മാന്ദ്യത്തില് നിന്നും കരകയറാന് തുടങ്ങിയെങ്കിലും അമേരിക്കയെ ബാധിച്ച സാമ്പത്തിക മാന്ദ്യത്തിന് ഇപ്പോഴും വലിയ വ്യത്യാസം ഉണ്ടായിട്ടില്ല.
ദിനംപ്രതി ഇവിടെ ഏറെ സ്ഥാനങ്ങള് സാമ്പത്തിക പ്രതിസന്ധിയെത്തുടര്ന്ന് പൂട്ടുകയാണ്. ബാങ്കിങ്, ഓട്ടോമോബൈല് എന്നീ രംഗങ്ങളിലെ ഭീമന്മാര് പലര്ക്കും മാന്ദ്യത്തില് കാലിടറി.