മദനിയേയും ഭാര്യയേയും അറസ്റ്റു ചെയ്യണം: ബിജെപി
തിരുവന്തപുരം: കഴിഞ്ഞ ദിവസം പിടിയിലായ കോഴിക്കോട് സ്ഫോടനക്കേസിലെ മുഖ്യ പ്രതി ആലിമുമായി പിഡിപി ചെയര്മാന് അബ്ദുള് നാസര് മദനിയുമായി ബന്ധമുണ്ടെന്ന് തെളിഞ്ഞ സാഹചര്യത്തില് അദ്ദേഹത്തെയും ഭാര്യയും അറസ്റ്റു ചെയ്യാന് പോലീസ് തയാറാകണമെന്ന് ബിജെപി സംസ്ഥാന അധ്യക്ഷന് പികെ കൃഷ്ണദാസ് ആവശ്യപ്പെട്ടു.
പാക് ഭീകര സംഘടനയായ ലഷ്കര് ഇ തൊയ്ബയുമായി മദനിക്കും ഭാര്യയ്ക്കും ബന്ധമുണ്ടെന്ന് കൃഷ്ണദാസ് ആരോപിച്ചു. കശ്മീരില് സൈന്യത്തിന്റെ പിടിയില് നിന്ന് രക്ഷപ്പെട്ട സൈനുദ്ദീന് മദനിയുടെ വീട്ടിലെ നിത്യസന്ദര്ശനായിരുന്നു.
കളമശ്ശേരി ബസ് കത്തിക്കല് സംഭവത്തില് മദനിയുടെ ഭാര്യ സൂഫിയയ്ക്ക് പങ്കുണ്ട്. സംസ്ഥാനത്തിനകത്തും പുറത്തുമുള്ള തീവ്രവാദ പ്രവര്ത്തനങ്ങളുടെയും, ബോംബ് സ്ഫോടനങ്ങളുടെയും തായ്വേര് അറുക്കുന്നതിന് ഇവരെ അറസ്റ്റു ചെയ്യണം കൃഷ്ണദാസ് പറഞ്ഞു.