• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

മഴപെയ്യാന്‍ സ്‌ത്രീകള്‍ നഗ്നരായി നിലമുഴുതു

  • By Staff

പട്‌ന: എത്രയും പെട്ടന്ന്‌ മഴ പെയ്യുന്നതിനും നല്ല വിളവ്‌ ലഭിക്കുന്നതിനുമായി മഴ ദൈവങ്ങളെ പ്രീതിപ്പെടുത്താന്‍ ബീഹാറിലെ കര്‍ഷകരുടെ പെണ്‍മക്കള്‍ നഗ്നരായി നിലമുഴുതു.

മഴയില്ലാത്തതിനെത്തുടര്‍ന്ന്‌ വരണ്ടുണങ്ങിയ പാടങ്ങള്‍ കണ്ട്‌ ആശങ്കാ കുലരായ കര്‍ഷകര്‍തന്നെയാണ്‌ പരമ്പരാഗത വിശ്വാസപ്രകാരം കന്യകമാരായ മക്കളെക്കൊണ്ട്‌ നഗ്നരായി നിലമുഴുകിച്ചത്‌.

മുതിര്‍ന്ന സ്‌ത്രീകളുടെ സഹായത്തോടെയായിരുന്നു നിലമുഴല്‍. സൂര്യാസ്‌തമനത്തിന്‌ ശേഷം ഇവര്‍ ദൈവങ്ങളെ പ്രസാദിപ്പിക്കാനായുള്ള മന്ത്രജപങ്ങള്‍ നടത്തി.

ബീഹാറിലെ ഉള്‍പ്രദേശമായ ബാങ്കെ ബസാറിലും പരിസരത്തും ഇത്തരത്തിലുള്ള വിശ്വാസങ്ങള്‍ നിലനില്‍ക്കുന്നുണ്ട്‌. കന്യകമാര്‍ നഗ്നരായി നിലമുഴുന്നത്‌ കണ്ട്‌ അമ്പരക്കുന്ന മഴദൈവങ്ങള്‍ അവരില്‍ കനിഞ്ഞ്‌ മഴയും വിളവും നല്‍കുമെന്നാണ്‌ ഗ്രാമീണരുടെ വിശ്വാസം.

കനത്ത മഴ ലഭിക്കുന്നതുവരെ ഇത്തരത്തിലുള്ള വിശ്വാസരീതികള്‍ പിന്തുടരാനാണത്രേ കര്‍ഷകരുടെ തീരുമാനം. മഴയുമായി ബന്ധപ്പെട്ട്‌ ഇന്ത്യയില്‍ പലസ്ഥലങ്ങളിലും വിചിത്രമായ പലവിശ്വാസങ്ങളും നിലനില്‍ക്കുന്നുണ്ട്‌.

ചിലയിടങ്ങളില്‍ മഴപെയ്യാനായി തവളകളെ കല്യാണം കഴിപ്പിക്കുകയും, മറ്റു ചിലയിടങ്ങളില്‍ മരങ്ങളുടെ കല്യാണം നടത്തുകയും ചെയ്യുന്നത്‌ പതിവാണ്‌.

കേരളം പോലുള്ള സ്ഥലങ്ങളില്‍ കാലവര്‍ഷം നാശം വിതയ്‌ക്കുമ്പോള്‍ ഉത്തരേന്ത്യയിലെ മിക്ക സംസ്‌്‌ഥാനങ്ങളും മഴയില്ലാതെ ജനങ്ങള്‍ വലയുകയാണ്‌. ഉത്തര്‍പ്രദേശിലെ ഇരുപത്‌ ജില്ലകളെ സര്‍ക്കാര്‍ വരള്‍ച്ചാ ബാധിത പ്രദേശമായി പ്രഖ്യാപിച്ചിട്ടുണ്ട്‌.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more