Click it and Unblock the Notifications
Just In
Don't Miss
-
കുഞ്ഞിനെ പാലൂട്ടുമ്പോള് പുറം വേദന കൂടുതലോ, കാരണമറിയാം -
'ഇതാര് ഹാപ്പി ഹസ്ബെന്റ്സിലെ സലീം കുമാറോ അതോ താരദാസോ, ലക്ഷ്മിയെ മിഥുൻ പ്രണയിച്ചതിൽ അത്ഭുതപ്പെടാനില്ല' -
IPL 2024: സിക്സര് 'ഹിറ്റ്മാന്', ഇനി ഒന്നാമന്; പൊള്ളാര്ഡിന്റെ വമ്പന് റെക്കോഡ് തകര്ത്തു -
പ്രശസ്‌ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ലാവലിന്‍: സിആര്‍ നിലകണ്‌ഠന്‌ സ്ഥലം മാറ്റം
കൊച്ചി: പ്രശസ്‌ത എഴുത്തുകാരനും പരിസ്ഥിതി പ്രവര്‍ത്തകനും കെല്‍ട്രോണ്‍ കണ്‍ട്രോള്‍സ്‌ ഡപ്യൂട്ടി ജനറല്‍ മാനേജരുമായ സിആര്‍ നീലകണ്‌ഠനെ സ്ഥലം മാറ്റി.
കെല്‍ട്രോണിന്റെ ഹൈദരാബാദ്‌ ബ്രാഞ്ചിലേയ്‌ക്കാണ്‌ ഇദ്ദേഹത്തെ സ്ഥലം മാറ്റിയത്‌. വ്യാഴാഴ്‌ചയാണ്‌ ഇതുസംബന്ധിച്ചുള്ള ഉത്തരവിറങ്ങിയത്‌. ഇദ്ദേഹത്തിനൊപ്പം മറ്റുരണ്ടുപേര്‍ക്കും സ്ഥലം മാറ്റമുണ്ട്‌.
കെല്‍ട്രോണിലെ വിവിധ പ്രൊജക്ടുകള്‍ക്ക്‌ നേതൃത്വം നല്‍കുന്ന നീകണ്‌ഠനെ സ്ഥലം മാറ്റിയതിന്‌ പിന്നില്‍ രാഷ്ട്രീയ പ്രതികാരമാണെന്ന്‌ ആരോപണം ഉയര്‍ന്നുകഴിഞ്ഞു.
ലാവലിന്‍ അഴിമതിക്കേസില്‍ സിപിഎം ഔദ്യോഗിക വിഭാഗത്തിനെതിരെ നിലപാടെടുത്തുകൊണ്ടും വിഎസ് അച്യുതാനന്ദനെ അനുകൂലിച്ചുകൊണ്ടും മാധ്യമങ്ങളില്‍ പ്രത്യക്ഷപ്പെട്ട ഇദ്ദേഹം കുറച്ചുകാലമായി ഔദ്യോഗിക പക്ഷത്തിന്റെ നോട്ടപ്പുള്ളിയായിരുന്നു.
ലാവലിന്‍ കേസ്‌ സംബന്ധിച്ച രേഖകള്‍ വിവരാവകാശ നിയമപ്രകാരം വാങ്ങിയ ശേഷം ലാവലിന്‍ കേസിന്റെ വിശദാംശങ്ങള്‍ ഉള്‍ക്കൊള്ളുന്ന ഒരു പുസ്‌തകവും ഇദ്ദേഹം അടുത്തിടെ പുറത്തിറക്കിയിരുന്നു.
ബുധനാഴ്‌ച മാതൃഭൂമി പത്രത്തില്‍ ലാവലിന്‍ ഉയര്‍ത്തുന്ന ചില ചോദ്യങ്ങള്‍ എന്നപേരില്‍ നീലകണ്‌ഠന്റെ ലേഖനം പ്രസിദ്ധീകരിച്ചിരുന്നു. ഇതിന്‌ മറുപടിയെന്നോണം വെള്ളിയാഴ്‌ച ദേശാഭിമാനിയില്‍ മറ്റൊരു ലേഖനം പ്രത്യക്ഷപ്പെട്ടിരുന്നു. ഇതില്‍ നീലകണ്‌ഠന്‍ ഞെട്ടാനിരിക്കുന്നതേയുള്ളുവെന്ന്‌ മുന്നറിയിപ്പുമുണ്ടായിരുന്നു.
28 വര്‍ഷമായി ഇദ്ദേഹം അരൂര്‍ കെല്‍ട്രോള്‍ കണ്‍ട്രോള്‍സിലാണ്‌ ജോലി ചെയ്യുന്നത്‌. ഇപ്പോഴത്തെ സ്ഥലംമാറ്റ ഉത്തരവില്‍ കാരണങ്ങളൊന്നും വ്യക്തമാക്കിയിട്ടില്ല. സര്‍വ്വീസ്‌ ചട്ടങ്ങള്‍ക്കകത്തുനിന്നുകൊണ്ട്‌ ചെയ്യാവുന്ന നടപടികള്‍ കൈക്കൊള്ളുമെന്നാണ്‌ അദ്ദേഹം പ്രതികരിച്ചത്‌.
