വീട്ടില് തലയോട്ടി: പൂജാരിയും ഭാര്യയും പിടിയില്
ലഖ്നൊ: വീട്ടിനുള്ളില് നിന്നും മനുഷ്യരുടെ തലയോട്ടികള് കണ്ടെത്തിയതിനെത്തുടര്ന്ന് ലഖ്നൊവില് പൂജാരിയെയും ഭാര്യയെയും പൊലീസ് അറസ്റ്റുചെയ്തു.
വിജയനഗറിലുള്ള കബിര് ക്ഷേത്രത്തിനടുത്തുള്ള വീട്ടിന്റെ മച്ചില് നിന്നാണ് നാല് തലയോട്ടികള് കണ്ടെടുത്തത്. ലൈംഗികരോഗങ്ങള്ക്ക് ചികിത്സയായി നല്കുന്ന മരുന്ന നിര്മ്മിക്കുന്നതിനായാണത്രേ ഇവര് തലയോട്ടി ഉപയോഗിക്കുന്നത്.
തലയോട്ടി കണ്ടെത്തിയതിനെത്തുടര്ന്ന് ക്ഷേത്രത്തിലെ പൂജാരിയായ ശ്യാംലാലിനെയും ഭാര്യ രാജ്കുമാരിയെയും അറസ്റ്റുചെയ്യുകയായിരുന്നു. മരുന്നു നിര്മ്മാണത്തിന് മാത്രമല്ല ദുര്മന്ത്രവാദത്തിനായും ഇവര് തലയോട്ടികള് ഉപയോഗിച്ചിരുന്നുവെന്ന് നാട്ടുകാര് പറയുന്നുണ്ട്.
തൊട്ടടുത്ത സ്ഥലങ്ങളില് മൃതദേഹങ്ങള് സംസ്കരിച്ച ഇടത്തുനിന്നാണത്രേ ഇവര് തലയോട്ടികള് ശേഖരിച്ചിരുത്. ഇത് നന്നായി ഉണക്കിയശേഷം പൊടിച്ചാണത്രേ ഔഷധനിര്മ്മാണത്തിനായി ഉപയോഗിക്കുന്നത്.