ബര്‍ലസ്‌കോണിയുടെ സെക്‌സ്‌ ടേപ്പ്‌ പുറത്ത്‌

ലണ്ടന്‍ ഇറ്റലിയുടെ പ്രധാനമന്ത്രി സില്‍വിയോ ബര്‍ലസ്‌കോണിയും ഒരു നക്ഷത്ര കോള്‍ഗേളും തമ്മിലുള്ള സെക്‌സ്‌ ടേപ്പ്‌ ഇന്റര്‍നെറ്റില്‍ പ്രസിദ്ധീകരിച്ചു.

സെക്‌സ്‌ വിഷയത്തില്‍ ബര്‍ലസ്‌കോണിയും കോള്‍ ഗേളായ പട്രീഷ്യ ഡി അഡാരിയോയും തമ്മിലുള്ള സംഭാഷണത്തിന്റെ ടേപ്പാണ്‌ പുറത്തായിരിക്കുന്നത്‌.

കിടപ്പറയിലെ ബര്‍ലസ്‌കോണിയുടെ പ്രകടനത്തെവരെ പട്രീഷ്യ സംസാരത്തിനിടെ പ്രശംസിച്ചത്‌ ടേപ്പില്‍ വ്യക്തമാണെന്ന്‌ റിപ്പോര്‍ട്ടുകള്‍ സൂചിപ്പിക്കുന്നു.

ഇതിന്‌ മുമ്പ്‌ ഒരു വിരുന്നിനിടെ റോമിലെ വീട്ടില്‍ പെട്രീഷ്യയുമൊത്ത്‌ ശയിച്ചതിനെത്തുടര്‍ന്നുണ്ടായ വിവാദം കെട്ടടങ്ങും മുമ്പാണ്‌ പ്രധാനമന്ത്രി വീണ്ടും വിവാദത്തിലകപ്പെട്ടിരിക്കുന്നത്‌.

ഇരുവരും ഒന്നിച്ച്‌ കഴിഞ്ഞ രാത്രിയ്‌ക്ക്‌ ശേഷം എപ്പോഴോ ഉണ്ടായ സംഭാഷണമാണത്രേ ഇത്‌. ലോകമാധ്യമങ്ങള്‍ ഈ വാര്‍ത്ത വന്‍ പ്രാധാന്യത്തോടെയാണ്‌ പ്രസിദ്ധീകരിച്ചിരിക്കുന്നത്‌.

ഒരു ഇറ്റാലിയന്‍ വെബ്‌സൈറ്റില്‍ തന്നെയാണ്‌ ടേപ്പ്‌ പ്രസിദ്ധീകരിച്ചിരിക്കുന്നത്‌. തീര്‍ത്തും അശ്ലീലച്ചുവയുള്ളതാണ്‌ സംഭാഷണം. താന്‍ ഒരു വിശുദ്ധനല്ലെന്നാണ്‌ ടേപ്പ്‌ പുറത്തായ വാര്‍ത്തയോട്‌ എഴുപത്തിരണ്ടുകാരനായ ബര്‍ലസ്‌കോണി പ്രതികരിച്ചത്‌.