കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഐഎഎസുകാരനും കുടുംബവും മരിച്ചനിലയില്‍

  • By Staff
Google Oneindia Malayalam News

ഭുവനേശ്വര്‍: ഒറീസ കേഡറിലെ മുതിര്‍ന്ന ഐഎഎസ്‌ ഉദ്യോഗസ്ഥനെയും കുടുംബത്തെയും മരിച്ചനിലയില്‍ കണ്ടെത്തി.

ദില്ലിയിലെ എമിഗ്രേഷന്‍ ഉദ്യോഗസ്ഥനായ ജഗദാനന്ദ പാണ്ഡെ(54)യെയും കുടുംബത്തെയുമാണ്‌ വെള്ളിയാഴ്‌ച മരിച്ചനിലയില്‍ കണ്ടെത്തിയത്‌.

ഒറീസയിലെ ബര്‍ഗ ജില്ലയിലെ അദ്ദേഹത്തിന്റെ ഗ്രാമത്തിലുള്ള വസതിയിലാണ്‌ മൃതദേഹങ്ങള്‍ കണ്ടെത്തിയത്‌. ജഗദാനന്ദയുടെ ഭാര്യ സുരേഖ പാണ്ഡെ, അച്ഛന്‍ മനോഷി പാണ്ഡെ, സഹോദരിമാരായ ബിജയലക്ഷ്‌മി, കിഷോരി മിശ്ര എന്നിവരാണ്‌ മരിച്ചത്‌.

ഗുരുതരാവസ്ഥയില്‍ കണ്ടെത്തിയ പാണ്ഡെയുടെ 22കാരനായ മകനെ ആശുപത്രിയില്‍ പ്രവേശിപ്പിച്ചിട്ടുണ്ട്‌. മരിച്ചവരുടെ ശരീരത്തില്‍ വെടിയേറ്റതിന്റെ പാടുകളുണ്ടെന്ന്‌ ജില്ലാ പൊലീസ്‌ സൂപ്രണ്ട്‌ അറിയിച്ചു.

ഏതാനും ദിവസം മുമ്പ്‌ ഒഴിവു ദിവസം ആഘോഷിക്കാന്‍ വേണ്ടിയാണത്ര ഇവര്‍ ഗ്രാമത്തിലെ വീട്ടില്‍ എത്തിയത്‌. വീടിന്റെ മുകളിലത്തെ നിലയിലായിരുന്ന പാണ്ഡെയുടെ അമ്മ വെടിയൊച്ച കേട്ട്‌ വന്നുനോക്കിയപ്പോഴാണത്രേ എല്ലാവരെയും മരിച്ചനിലയില്‍ കണ്ടത്‌.

പാണ്ഡെയുടെ അയല്‍ക്കാരും വെടിയൊച്ച കേട്ടതായി പൊലീസിന്‌ മൊഴി നല്‍കിയിട്ടുണ്ട്‌. മൃതദേഹങ്ങള്‍ പോസ്‌റ്റ്‌മോര്‍ട്ടത്തിനായി അയച്ചിരിക്കുകയാണ്‌.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X