കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സിബിഐ ഗൂഡാലോചന നടത്തുന്നു: ബൂട്ടാസിങ്‌

  • By Staff
Google Oneindia Malayalam News

ദില്ലി: മകനെ അഴിമതിക്കേസില്‍ അറസ്‌റ്റുചെയ്‌ത സംഭവത്തില്‍ സിബിഐയ്‌ക്കെതിരെ ആരോപണവുമായി മുന്‍ കേന്ദ്രമന്ത്രി ബൂട്ടാസിങ്‌ രംഗത്ത്‌.

സിബിഐ തനിയ്‌ക്കും മകന്‍ സ്വീറ്റി സിങിനും എതിരെ ഗൂഡാലോചന നടത്തുകയാണെന്ന്‌ അദ്ദേഹം ആരോപിച്ചു. പരാതിയിന്മേല്‍ സിബിഐഅന്വേഷണ ഏജന്‍സിക്കു ചേര്‍ന്നനടപടികളല്ല സ്വീകരിക്കുന്നത്‌. കേസില്‍ ഞാനും മകനും ഇരകളാക്കപ്പെടുകയാണുണ്ടായത്‌- ബൂട്ടാസിങ്‌ പറഞ്ഞു.

രാഷ്ട്രീയ ലക്ഷ്യങ്ങള്‍ വച്ചാണ്‌ മകനെതിരെ നടപടി എടുത്തിരിക്കുന്നതെന്ന്‌ അദ്ദേഹം ആരോപിച്ചെങ്കിലും ഏതെങ്കിലും രാഷ്ട്രീയ പാര്‍ട്ടിയുടെ പേര്‌ പറയാന്‍ തയ്യാറായില്ല. ശരിയായ സമയം വരുമ്പോള്‍ ഇക്കാരംയ പറയുമെന്നാണ്‌ അദ്ദേഹം പറഞ്ഞത്‌.

ഒരു കോടി രൂപ കൈക്കൂലി വാങ്ങിയ കേസുമായി ബന്ധപ്പെട്ട്‌ വെള്ളിയാഴ്‌ചയാണ്‌ സ്വീറ്റി സിങ്‌ എന്ന സരബ്‌ജിത്‌ സിങിനെ സിബിഐ അറസ്റ്റുചെയ്‌തത്‌. കോടതിയില്‍ ഹാജരാക്കിയ ഇയാളെ ആഗസ്‌റ്റ്‌ അഞ്ചുവരെ റിമാന്റ്‌ ചെയ്‌തിരിക്കുകയാണ്‌.

ഇതിനിടെ സരബ്‌ജിതിന്റെ ജംങ്‌പുരയിലുള്ള വസതിയില്‍ സിബിഐ നടത്തിയ റെയ്‌ഡില്‍ ലൈസന്‍സില്ലാത്ത മൂന്നു തോക്കുകള്‍ കണ്ടെടുത്തിട്ടുണ്ട്‌. തോക്കുകള്‍ ലൈസന്‍സ്‌ ഉള്ളവയാണെന്നും അതെവിടെയാണ്‌ വച്ചിരിക്കുന്നതെന്ന്‌ സരബ്‌ജിത്തിന്‌ മാത്രമേ അറിയൂ എന്നാണ്‌ ഈ വാര്‍ത്തയോട്‌ ബൂട്ടാ സിങ്‌ പ്രതികരിച്ചത്‌.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X