കഞ്ചാവുമായി ജയില് വാര്ഡന് പിടിയില്
തൃശൂര്: വിയ്യൂര് സെന്ട്രല് ജയിലിലെ ജയില് ഹെഡ് വാര്ഡന് വിജയഗോപാലനെ അരക്കിലോ കഞ്ചാവുമായി പൊലീസ് പിടികൂടി. വാഹന പരിശോധനയ്ക്കിടെ കൈ കാണിച്ചിട്ടും നിര്ത്താതെ പോയ സ്കൂട്ടറിനെ പിന്തുടര്ന്ന തൃശൂര് വെസ്റ്റ് സിഐയും സംഘവുമാണ് വിജയഗോപാലനെ കഞ്ചാവുമായി പിടിച്ചത്.
ഹോണ്ട ആക്ടീവ സ്കൂട്ടറിനുള്ളില് പൊതികളായി സൂക്ഷിച്ചിരുന്ന കഞ്ചാവ് പൊലീസ് പിടിച്ചെടുത്തു. ജയില് പുള്ളികള്ക്ക് നല്കുന്നതിനായി കൊണ്ടു വന്ന കഞ്ചാവാണ് ഇതെന്ന് സൂചനയുണ്ട്. തടവുകാരില് നിന്നും പണം കൈപ്പറ്റി ജയില് ഉദ്യോഗസ്ഥര് കഞ്ചാവ് വിതരണം ചെയ്യുന്നതായുള്ള പരാതി നേരത്തെ തന്നെ ഉണ്ടായിരുന്നു. ഇതേത്തുടര്ന്ന് ജയില് പരിസരത്ത പരിശോധന ശക്തമാക്കിയിരുന്നു.
ജയിലിനു മുന്നില് വെച്ച് പോലീസ് നില്ക്കുന്നത് കണ്ട് അപകടം മണത്ത വിജയഗോപാല് സ്കൂട്ടര് നിര്ത്താതെ രക്ഷപ്പെടാന് ശ്രമിയ്ക്കുകയായിരുന്നു. എന്നാല് വെസ്റ്റ് സിഐ ഷാഹുല് ഹമീദിന്റെ നേതൃത്വത്തിലുള്ള സംഘം ഇയാളെ പിന്തുടര്ന്ന് പിടിയ്ക്കുകയായിരുന്നു.
മയക്കുമരുന്നു ശൃംഖലയിലെ പ്രധാനകണ്ണിയാണ് ഇയാളെന്ന് പൊലീസ് സംശയിക്കുന്നുണ്ട്. അഞ്ചുവര്ഷമായി ഇയാള് ജയിലിലെ ജീവനക്കാരനാണ്. എക്സൈസ് സംഘത്തെ വിളിച്ചു വരുത്തിയാണ് പൊലീസ് മേല്നടപടികള് സ്വീകരിച്ചത്.