കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ടോട്ടല്‍ തട്ടിപ്പ്: ചന്ദ്രമതിയ്ക്ക് ജാമ്യം

  • By Staff
Google Oneindia Malayalam News

തിരുവനന്തപുരം: ടോട്ടല്‍ ഫോര്‍ യു തട്ടിപ്പ്‌ കേസ്സിലെ പ്രധാനപ്രതി ചന്ദ്രമതിക്ക്‌ എല്ലാ കേസ്സുകളിലും ജാമ്യം ലഭിച്ചു. ടോട്ടല്‍ തട്ടിപ്പുമായി ബന്ധപ്പെട്ട്‌ എട്ട്‌ കേസ്സുകളില്‍ ഇവര്‍ പ്രതിയാണ്‌.

'സേഫ്‌ ഇന്‍വെസ്റ്റ്‌മെന്റ്‌ സൊല്യൂഷന്‍സ്‌' തട്ടിപ്പുമായി ബന്ധപ്പെട്ട്‌ രജിസ്റ്റര്‍ ചെയ്‌തിരുന്ന കേസ്സിലും ഇവര്‍ക്ക് ജാമ്യം ലഭിച്ചിട്ടുണ്ട്. ജാമ്യം ലഭിച്ചതിനെത്തുടര്‍ന്ന് തിങ്കളാഴ്‌ച വൈകുന്നേരത്തോടെ ഇവര്‍ ജയില്‍മോചിതയായി.

തിരുവനന്തപുരം ജുഡീഷ്യല്‍ ഒന്നാംക്ലാസ്‌ മജിസ്‌ട്രേട്ട്‌ എ.എം. ബഷീറാണ്‌ നാലുകേസുകളില്‍ ജാമ്യം നല്‍കിയത്‌. ബാക്കിയുള്ള അഞ്ചുകേസുകളില്‍ മറ്റൊരു മജിസ്‌ട്രേട്ട്‌ കോടതിയില്‍ നിന്ന്‌ നേരത്തെ ജാമ്യം ലഭിച്ചിരുന്നു.

ടോട്ടല്‍ തട്ടിപ്പുമായി ബന്ധപ്പെട്ട്‌ ഇനി ശബരിനാഥ്‌, അച്ഛന്‍ രാജന്‍, ഡോ. രമണി എന്നീ മൂന്നുപേര്‍ക്ക്‌ മാത്രമാണ്‌ ജാമ്യം കിട്ടാനുള്ളത്‌. ഇവര്‍ ഇപ്പോഴും ജയിലിലാണ്‌.

ടോട്ടല്‍ തട്ടിപ്പ്‌ കേസുകളില്‍ മുന്‍കൂര്‍ ജാമ്യം തേടി ചന്ദ്രമതി ഹൈക്കോടതിയെയും സുപ്രീംകോടതിയെയും സമീപിച്ചിരുന്നു. സുപ്രീംകോടതി ജാമ്യാപേക്ഷ തള്ളുകയായിരുന്നു. ഒളിവിലായിരുന്ന ചന്ദ്രമതി തുടര്‍ന്ന്‌ പോലീസിന്‌ മുന്നില്‍ കീഴടങ്ങി.

ശബരിനാഥിന്റെ ടോട്ടല്‍ ഫോര്‍ യു വിലെ പ്രവര്‍ത്തനങ്ങളുടെ ചുക്കാന്‍പിടിച്ചത്‌ ചന്ദ്രമതിയാണെന്നാണ്‌ ആരോപണം.

'സേഫ്‌' തട്ടിപ്പുമായി ബന്ധപ്പെട്ട ധാരാളം പരാതികള്‍ അന്വേഷണസംഘത്തിന്‌ കിട്ടിയെങ്കിലും ഒറ്റകേസ്‌ മാത്രമാണ്‌ രജിസ്റ്റര്‍ ചെയ്‌തതെന്ന് ആക്ഷേപമുണ്ട്‌.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X