ഡിസിസി വിവാദം: സിഎന് ബാലകൃഷ്ണന് രാജിയ്ക്ക്?
തൃശൂര്: ഡിസിസി ഓഫിസില് യൂത്ത് കോണ്ഗ്രസ് നേതാവിന്റെ മൃതദേഹം പൊതുദര്ശനത്തിനു വെയ്ക്കുന്നതുമായി ബന്ധപ്പെട്ടുണ്ടായ സംഘര്ഷത്തെക്കുറിച്ച് റിപ്പോര്ട്ട് ചൊവ്വാഴ്ച സമര്പ്പിയ്ക്കും. സംഭവത്തെക്കുറിച്ച് അന്വേഷിച്ച കെപിസിസി ജനറല് സെക്രട്ടറി ബെന്നി ബെഹനാന് റിപ്പോര്ട്ട് രമേശ് ചെന്നിത്തലയ്ക്ക് സമര്പ്പിയ്ക്കും. വെള്ളിയാഴ്ച ചേരുന്ന കെപിസിസി നിര്വാഹക സമിതി റിപ്പോര്ട്ട് ചര്ച്ച ചെയ്തേക്കും.
വാഹനാപകടത്തില് മരിച്ച യൂത്ത് കോണ്ഗ്രസ് ജില്ലാ സെക്രട്ടറി സിഎ സെബാസ്റ്റ്യന്റെ മൃതദേഹം ഡിസിസി ഓഫിസില് പൊതുദര്ശനത്തിന് വെയ്ക്കുന്നതുമായി ബന്ധപ്പെട്ടാണ് സംഘര്ഷമുണ്ടായത്.
തൃശൂര് ഡിസിസി പ്രസിഡന്റ് സിഎന് ബാലകൃഷ്ണന്റെ കടുംപിടുത്തമാണു പ്രശ്നം വഷളാക്കിയതെന്നും ചിലര് ആസൂത്രിതമായി സംഘര്ഷമുണ്ടാക്കുകയായിരുന്നുവെന്നും ആരോപണങ്ങളുയരുന്നുണ്ട്. അതേ സമയം തനിയ്ക്കെതിരെ നടപടി ഉണ്ടാകുന്നതിന് മുമ്പ് സിഎന് ബാലകൃഷ്ണന് രാജിവെച്ചേക്കുമെന്ന് സൂചനകളുണ്ട്.
അങ്ങനെയുണ്ടായാല് മുന് എംഎല്എ ടിവി ചന്ദ്രമോഹനെ ഡിസിസി പ്രസിഡന്റാക്കാനായി കരുണാകര പക്ഷം നീക്കങ്ങള് നടത്തുന്നുണ്ട്.