കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മെഹ്‌സൂദ്‌ കൊല്ലപ്പെട്ടുവെന്ന്‌ അഭ്യൂഹം

  • By Staff
Google Oneindia Malayalam News

ഇസ്ലാമബാദ്‌: തീവ്രവാദസംഘടനയായ താലിബാന്റെ പാകിസ്‌താന്‍ ഘടകത്തിന്റെ തലവന്‍ ബെയ്‌‌ത്തുള്ള മെഹ്‌സൂദ്‌ കൊല്ലപ്പെട്ടതായി അഭ്യൂഹം.

ദ്രോണില്‍ അമേരിക്ക നടത്തിയ മിസൈലാക്രമണത്തില്‍ മെഹ്‌സൂദ്‌ കൊല്ലപ്പെട്ടിട്ടുണ്ടാകുമെന്നാണ്‌ കരുതുന്നതെന്ന്‌ പാകിസ്‌താന്‍ ആഭ്യന്തരമന്ത്രി റെഹ്മാന്‍ മാലിക്‌ അറിയിച്ചു.

രണ്ടു ദിവസം മുമ്പ്‌ അമേരിക്കന്‍ സൈന്യം നടത്തിയ ആക്രമണത്തില്‍ മെഹ്‌സൂദിന്റെ ഭാര്യയും ഭാര്യാപിതാവും കൊല്ലപ്പെട്ടിരുന്നു. അമേരിക്കയുടെ ആളില്ലാത്ത പോര്‍വിമാനങ്ങളാണ്‌ ആക്രമണം നടത്തിയത്‌. അന്ന്‌ വീട്ടിലുണ്ടായിരുന്ന മെഹ്‌സൂദും ഭാര്യയ്‌ക്കും ഭാര്യാപിതാവിനുമൊപ്പം മരിച്ചെന്ന്‌ വിവരം ലഭിച്ചതായാണ്‌ മന്ത്രി പറഞ്ഞത്‌.

എന്നാല്‍ ഇത്‌ സ്ഥിരീകരിക്കാനാവശ്യമായ തെളിവുകള്‍ ലഭിച്ചിട്ടില്ലെന്ന്‌ മന്ത്രി വ്യക്തമാക്കി. അമേരിക്കയും മെഹ്‌സൂദ്‌ കൊല്ലപ്പെട്ടിരിക്കാമെന്ന്‌ സംശയം പ്രകടിപ്പിച്ചിട്ടുണ്ട്‌.

പാകിസ്‌താനിലെ താലിബാന്‍ ഘടകമായ തെഹ്‌രീക്‌ ഇ താലിബാന്റെ മേധാവിയായ ബെയ്‌ത്തുള്ളയുടെ തലയ്‌ക്ക്‌ 50 ലക്ഷം ഡോളറാണ്‌ അമേരിക്ക ഇനാം പ്രഖ്യാപിച്ചിട്ടുള്ളത്‌.

പാകിസ്‌താന്‍ മുന്‍ പ്രധാനമന്ത്രി ബേനസൂര്‍ ഭൂട്ടോയുടെ കൊലപാതകമുള്‍പ്പെടെ ഒട്ടേറെ കേസുകളില്‍ ഇയാള്‍ പിടികിട്ടാപ്പുള്ളിയാണ്‌. ഇയാളെപ്പറ്റി വിവരം നല്‍കുന്നവര്‍ക്ക്‌ 6,15000 ഡോളര്‍ സമ്മാനം പാകിസ്‌താനും പ്രഖ്യാപിച്ചിരുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X