ജസ്റ്റിസ് പ്രതികളെ രക്ഷിക്കാന് ശ്രമിച്ചുവെന്ന്
കൊച്ചി: അധികാരവും പണവും കൈയ്യിലുണ്ടെങ്കില് ആര്ക്കും ആരെയും സ്വാധീനിയ്ക്കാന് കഴിയുമെന്നാണ് അഭയ കേസിലെ സിബിഐയുടെ പുതിയ വെളിപ്പെടുത്തലില് നിന്നും വ്യക്തമാകുന്നതെന്ന് ജോമോന് പുത്തന്പുരയ്ക്കല്.
ക്നാനായ സഭാവിശ്വാസിയായ ജസ്റ്റിസ് സിറിയക് ജോസഫ് തന്റെ സഭയില്പ്പെട്ട മൂന്ന് പ്രതികളെ സംരക്ഷിയ്ക്കാനാണ് ഫോറന്സിക് ലാബില് എത്തിയതെന്ന് ഇപ്പോള് തെളിഞ്ഞിരിയ്ക്കുന്നു. ഉന്നത പദവിയിലുള്ള ന്യായാധിപന് അഭയ കേസ് അട്ടിമറിയ്ക്കാന് ശ്രമിച്ചുവെന്ന ആരോപണമാണ് ഇപ്പോള് തെളിഞ്ഞിരിയ്ക്കുന്നതെന്നും ജോമോന് പറഞ്ഞു.
കേസിലെ പ്രതികളെ നാര്ക്കോ പരിശോധനയ്ക്ക് വിധേയമാക്കിയതിന്റെ ഫലങ്ങളടങ്ങിയ സിഡികള് മുന് കര്ണാടക ചീഫ് ജസ്റ്റിസായിരുന്ന സിറിയക് ജോസഫ് കണ്ടിരുന്നുവെന്ന് സിബിഐ ഹൈക്കോടതിയില് വെളിപ്പെടുത്തിയരുന്നു. ഇതിനോട് പ്രതികരിയ്ക്കുകയായിരുന്നു ജോമോന്.