അമേരിക്കയെ മാതൃകയാക്കരുത്: ഹിലരി ക്ലിന്റണ്
വാഷിങ്ടണ്: വികസനത്തിന്റെ കാര്യത്തില് അമേരിക്കയെ മാതൃകയാക്കിയാല് വിപത്തുകള് നേരിടേണ്ടിവരുമെന്ന് യു.എസ്. വിദേശകാര്യസെക്രട്ടറി ഹിലരി ക്ലിന്റണ്.
രാജ്യത്ത് വികസനമുണ്ടാകാനായി ഏതു വഴിയും സ്വീകരിക്കാന് ഇന്ത്യയ്ക്കും ചൈനയ്ക്കും അവകാശമുണ്ടെന്നും എന്നാല് ഇക്കാര്യത്തില് അമേരിക്കയെ മാതൃകയാക്കരുതെന്നും . സിഎന്എന്. വാര്ത്താചാനലിനോട് സംസാരിക്കവെയാണ് ഹിലരി പറഞ്ഞത്.
ഏതു വഴിയിലൂടെയും വികസനം കൊണ്ടുവരാന് ഇന്ത്യയ്ക്കും ചൈനയ്ക്കും അവകാശമുണ്ട്. പട്ടിണിയും ദാരിദ്ര്യവും ഇല്ലായ്മ ചെയ്യാനുള്ള നിങ്ങളുടെ ശ്രമങ്ങളില് ഞങ്ങള് ഒപ്പമുണ്ട്. എന്നാല് നിങ്ങള് ഇക്കാര്യത്തില് ഞങ്ങളുടെ പാത പിന്തുടര്ന്നാല് പ്രത്യാഘാതങ്ങള് അനുഭവിക്കേണ്ടിവരും. വികസനപദ്ധതികളെത്തന്നെ അതു ബാധിക്കും'' -ഹിലരി പറഞ്ഞു.
കാലാവസ്ഥാവ്യതിയാനം സംബന്ധിച്ചുള്ള ഇന്ത്യയുടെയും ചൈനയുടെയും നിലപാടില് അമേരിക്കയ്ക്ക് അഭിപ്രായവ്യത്യാസമുണ്ടെന്നും ഡിസംബറില് ഡെന്മാര്ക്കില് നടക്കുന്ന കാലാവസ്ഥാവ്യതിയാനം സംബന്ധിച്ച സമ്മേളനത്തില് ഇക്കാര്യം ചര്ച്ച ചെയ്യുമെന്നും ഹിലരി വ്യക്തമാക്കി.