വില്‍സന്റെ മൃതദേഹം പോസ്‌റ്റ്‌മോര്‍ട്ടം ചെയ്യില്ല

തിരുവനന്തപുരം: പന്നിപ്പനിബാധയെത്തുടര്‍ന്ന്‌ മരിച്ച തിരുവനന്തപുരം സ്വദേശി വില്‍സന്റെ മൃതദേഹം പോസ്‌റ്റ്‌മോര്‍ട്ടം ചെയ്യേണ്ടെന്ന്‌ തീരുമാനിച്ചു. മൃതദേഹം ബന്ധുക്കള്‍ക്ക്‌ വിട്ടുകൊടുക്കാന്‍ വ്യാഴാഴ്‌ച രാവിലെ നടന്ന ചര്‍ച്ചയില്‍ തീരുമാനമായി.

രണ്ടുദിവസം മുമ്പ്‌ സ്വകാര്യ ആശുപത്രിയില്‍വച്ചാണ്‌ വെട്ടുകാട്‌ സ്വദേശിയായ വില്‍സണ്‍ ലൂക്കോസ്‌ മരിച്ചത്‌. തുടര്‍ന്ന്‌ മൃതദേഹം പോസ്‌റ്റ്‌മോര്‍ട്ടം ചെയ്യണമെന്നാവശ്യപ്പെട്ട്‌ നാട്ടുകാരും ബന്ധുക്കളും ആശുപത്രിയില്‍ ബഹളം വച്ചിരുന്നു.

രോഗബാധ ഭയന്ന്‌ ഡോക്ടര്‍മാരും ആശുപത്രി ജീവനക്കാരും മൃതദേഹത്തിനടുത്തുപോകാന്‍ തയ്യാറാകത്തതിനെത്തുടര്‍ന്നാണ്‌ പോസ്‌റ്റ്‌മോര്‍ട്ടം അനിശ്ചിതത്വത്തിലായത്‌.

ബുധനാഴ്‌ച മെഡിക്കല്‍ കോളെജില്‍ എത്തിച്ച മൃതദേഹം മണിക്കൂറുകളോളം മോര്‍ച്ചറിയില്‍ കയറ്റാന്‍ ജീവനക്കാര്‍ തയ്യാറായില്ല. തുടര്‍ന്ന്‌ വ്യാഴാഴ്‌ച രാവിലെ ആരോഗ്യവകുപ്പ്‌ അധികൃതര്‍ നടത്തിയ ചര്‍ച്ചയില്‍ പോസ്‌റ്റ്‌മോര്‍ട്ടം നടത്തണമെന്ന തീരുമാനത്തില്‍ നിന്നും ബന്ധുക്കള്‍ പിന്‍മാറുകയായിരുന്നു.

ഇതിനിടെ പന്നിപ്പനി സ്ഥിരീകരിച്ച്‌ കൂടുതല്‍ പേര്‍ ആശുപത്രിയില്‍ എത്തിക്കൊണ്ടിരിക്കുകയാണ്‌