ഭര്ത്താവ് ഭാര്യയുടെ വായില് ആസിഡ് ഒഴിച്ചു
ചെറുതോണി: കുടുംബകലഹത്തെത്തുടര്ന്ന് ഭര്ത്താവ് ഭാര്യയുടെ വായില് ആസിഡ് ഒഴിച്ചു. കൊച്ചുപൈനാവ് എറമ്പന്കുടി എ.സി.കുര്യനാ(47)ണ് ഭാര്യ ബിന്ദുവിന്റെ (32) വായില് ആസിഡൊഴിച്ചത്.
കുടുംബകലഹം ഒത്തുതീര്പ്പാക്കി സി.ഐ ഓഫീസിനു പുറത്തിറങ്ങിയപ്പോഴാണ് കുര്യന് ബിന്ദുവിന്റെ വായില് ആസിഡൊഴിച്ചത്.
വ്യാഴാഴ്ച രാവിലെ ഇടുക്കി സി.ഐ. ഓഫീസിനു മുന്നിലാണു സംഭവം നടന്നത്. ആദ്യഭാര്യയെ ഉപേക്ഷിച്ചു 14 വര്ഷം മുമ്പാണു കുര്യന് ബിന്ദുവിനെ വിവാഹം കഴിച്ചത്. കഴിഞ്ഞ 10 വര്ഷമായി ഇവര് നിരന്തരം കലഹത്തിലായിരുന്നു.
ഇതേക്കുറിച്ചു കുര്യന് കഴിഞ്ഞ ദിവസം ഇടുക്കി എസ്.പിക്കു പരാതി നല്കി. നടപടിയെടുക്കാന് എസ്.പി. ഇടുക്കി സി.ഐയെ ചുമതലപ്പെടുത്തി. സി.ഐ. ഇരുവരേയും ഓഫീസില് വിളിച്ചുവരുത്തി സംസാരിച്ചു രമ്യതയിലാക്കി പറഞ്ഞുവിടുകയായിരുന്നു.
എന്നാല് പുറത്തിറങ്ങിയ കുര്യന് കൈവശം ടിന്നില് കരുതിയിരുന്ന ആസിഡ് ബലമായി ബിന്ദുവിന്റെ വായിലേക്ക് ഒഴിക്കുകയായിരുന്നു. ബിന്ദുവിന്റെ വായിലും മുഖത്തും ആസിഡ് വീണു.
സംഭവത്തേത്തുടര്ന്നു കുര്യനെ അറസ്റ്റ് ചെയ്ത ശേഷം റിമാന്ഡ് ചെയ്തു. പൊള്ളലേറ്റ ബിന്ദുവിനെ ജില്ലാ ആശുപത്രിയില് പ്രഥമശുശ്രൂഷ നല്കിയ ശേഷം വിട്ടയച്ചു.