ഞാന്‍ രാഷ്ട്രീയജീവിതത്തിന്‍റെ ഇടവഴിയില്‍: മുരളി

കൊച്ചി: കോണ്‍ഗ്രസിലേക്കു താന്‍ തിരിച്ചു വരുന്നതിനെ ആരും ഭയപ്പെടേണ്ടതില്ലെന്നു കെ. മുരളീധരന്‍.

മനസുകൊണ്ടു താന്‍ കോണ്‍ഗ്രസുകാരനായി കഴിഞ്ഞതായും അദ്ദേ ഹം പറഞ്ഞു.

കൊച്ചിയില്‍ അനുയായികളു ടെ കൂട്ടായ്മ ഉദ്ഘാടനം ചെയ്യുകയായിരുന്നു മുരളീധരന്‍ . പഞ്ചായത്ത് തെരഞ്ഞെടുപ്പില്‍ ഇടതുപക്ഷവുമായി സഖ്യത്തില്‍ ഏര്‍പ്പെടേണ്ടിവന്ന തന്‍റെ തീരുമാനത്തെ പ്രസംഗത്തിലുടനീളം മുരളീധരന്‍ ശപിച്ചു.

ഇടതുപക്ഷവുമായി ഒത്തുപോകാന്‍ എ.കെ ആന്‍റണി പരീക്ഷണം നടത്തിയെങ്കില്‍ താന്‍ നാലോളം പ്രാവശ്യം പരീക്ഷിച്ചു പരാജയപ്പെട്ടു. ഞാനിപ്പോള്‍ രാഷ്ട്രീയ ജീവിതത്തിന്‍റെ ഇടവഴിയിലാണ്- മുരളി പറഞ്ഞു.