മാറാട് തീവെപ്പ്: 10പേര്ക്ക് 5വര്ഷം തടവ്
കോഴിക്കോട്: മാറാട് ഒന്നാം കലാപത്തോടനുബന്ധിച്ച് വീടിന് തീവച്ച കേസില് പത്തു പ്രതികള്ക്ക് അഞ്ചുവര്ഷം തടവും 18,000 രൂപ പിഴയും ശിക്ഷവിധിച്ചു.
അരയച്ചന്റകത്ത് വീട്ടില് മാനസയുടെ വീട് തീവച്ചു നശിപ്പിച്ച കേസില് പത്തു പ്രതികളും കുറ്റക്കാരാണെന്ന് മാറാട് പ്രത്യേക കോടതി വ്യാഴാഴ്ച കണ്ടെത്തിയിരുന്നു.
പ്രത്യേക കോടതി ജഡ്ജി കെപി പ്രസന്നകുമാരിയാണ് ശിക്ഷ വിധിച്ചത്. മാറാട് സ്വദേശികലായ സെയ്നുദ്ദീന്, സാലി, ലത്തീഫ്, അബ്ദുള് നസീര്, റാഫി, ബഷീര്, അസ്കര്, കോയമോന്, ഗഫൂര്, നിസാര് എന്നിവരാണ് കേസിലെ പ്രതികള്.
അന്യായമായി സംഘം ചേര്ന്നതിന് ഐപിസി 143 പ്രകാരവും ആയുധം ഉപയോഗിച്ച് കലാപം ഉണ്ടാക്കാനുള്ള ശ്രമത്തിന് 148 പ്രകാരവും അതിക്രമിച്ച് കടക്കലിന് 450 പ്രകാരവും മുഴുവന് പ്രതികളും കുറ്റക്കാരാണെന്നാണ് കോടതി കണ്ടെത്തിയത്.
ഇവരില് ഏഴാം പ്രതിയയാ അസ്കര് മാറാട് കൂട്ടക്കൊലക്കേസില് ജീവപര്യന്തം ശിക്ഷിക്കപ്പെട്ട് കണ്ണൂര് സെന്ട്രല് ജയിലിലാണുള്ളത്.