അപകടകാരികളായ സൈറ്റുകള് 100
മെല്ബണ്: ഇന്റര്നെറ്റ് ലോകത്തെ വൃത്തിക്കെട്ടതും അപകടമുണ്ടാക്കുന്നതുമായ നൂറ് വെബ്സൈറ്റുകളുടെ പട്ടിക പുറത്തുവിട്ടു.
ഇന്റര്നെറ്റ് സെക്യൂരിറ്റി കമ്പനിയായ നോര്ട്ടണ് സിമന്റെക്കാണ് നെറ്റ് ലോകത്ത് ഭയക്കേണ്ട നൂറ് സൈറ്റുകളുടെ പട്ടിക പ്രസിദ്ധീകരിച്ചത്. വൈറസ്, മാള്വയര്, സ്പാം എന്നിവ വഴി കമ്പ്യൂട്ടര് ശൃംഖലകളെ ആക്രമിക്കുന്ന സൈറ്റുകള് വര്ധിച്ചു വരുന്നതായി നോര്ട്ടണ് അധികൃതര് പറഞ്ഞു.
ഇത്തരം സൈറ്റുകളെ കുറിച്ച് നെറ്റ് ഉപയോക്താക്കള്ക്കിടയില് ബോധവത്കരണം നടത്താനാണ് ലിസ്റ്റ് പുറത്തിവിട്ടതെന്നും ഇത്തരം സൈറ്റുകളെ കരുതിയിരിക്കണമെന്നും അധികൃതര് അറിയിച്ചു. നെറ്റ് മാള്വയറുകളെ കുറിച്ചും ഇതിന്റെ അനന്തരഫലങ്ങളെ കുറിച്ചും കമ്പ്യൂട്ടര് ഉപയോഗിക്കുന്നവരില് ഭൂരിഭാഗത്തിനും അറിയില്ലെന്നും റിപ്പോര്ട്ടില് പറയുന്നുണ്ട്.
ശരാശരി പതിനെട്ടായിരത്തോളം സൈറ്റുകള് മാള്വയര്, വൈറസ് വിതരണം ചെയ്യുന്നവരാണ്. നോര്ട്ടന് തയ്യാറാക്കിയ പട്ടികയില് 75 ശതമാനം സൈറ്റുകളും മാള്വയര് വിതരണം ചെയ്യുന്നതാണെന്നും കണ്ടെത്തിയിട്ടുണ്ട്. അശ്ലീല സൈറ്റുകളാണ് വൈറസുകളുടെയും മാള്വയറുകളുടെയും ഏറ്റവും വലിയ കേന്ദ്രമെന്നും റിപ്പോര്ട്ടില് പറയുന്നുണ്ട്.