ലുധിയാന റെയില്‍വേസ്റ്റേഷനില്‍ വെടിവെപ്പ്

ലുധിയാന (പഞ്ചാബ്): ലുധിയാന റെയില്‍വെ സ്‌റ്റേഷനില്‍ തീവ്രവാദിയെന്ന് സംശയിക്കുന്നയാള്‍ നടത്തിയ വെടിവെപ്പില്‍ ഒരാള്‍ മരിച്ചു. രണ്ടുപേര്‍ക്ക് പരിക്കേറ്റു.

റെയില്‍വെ സ്റ്റേഷനിലെ കച്ചവടക്കാരനാണ് മരിച്ചത്. പരിക്കേറ്റവര്‍ റെയില്‍വെ പോലീസ് കോണ്‍സ്റ്റബിള്‍മാരാണ്. വെടിവെപ്പ് നടത്തിയ ബെല്‍ബീര്‍ സിങ് ഭൂട്ടാനയെ പോലീസ് പിടികൂടിയിട്ടുണ്ട്.

ജമ്മുവിലേക്ക് പോയ ഝലം എക്‌സ്​പ്രസിലെ യാത്രക്കാരനായ ഭൂട്ടാനയുടെ ബാഗ് പരിശോധിക്കാന്‍ പോലീസുകാര്‍ ശ്രമിച്ചപ്പോഴാണ് വെടിവെപ്പ് ഉണ്ടായത്. പുണെയില്‍നിന്ന് പുലര്‍ച്ചെ 3.30 നാണ് ഝലം എക്‌സ്​പ്രസ് ലുധിയാനയിലെത്തിയത്.

നാലാം നമ്പര്‍ പ്ലാറ്റ്‌ഫോമിലായിരുന്നു സംഭവം. തീവണ്ടിയില്‍നിന്ന് പുറത്തിറങ്ങിയ ഭൂട്ടാന ബാഗ് പരിശോധിക്കാന്‍ ശ്രമിച്ച പോലീസിനുനേരെ വെടിവച്ചുവെന്ന് ദൃക്‌സാക്ഷികള്‍ പറഞ്ഞു.

ഒരു മണിക്കൂര്‍ നീണ്ടുനിന്ന വെടിവെപ്പിനു ശേഷമാണ് പോലീസ് ഭൂട്ടാനയെ പിടികൂടിയത്. വെടിയേറ്റ കച്ചവടക്കാരന്‍ സംഭവ സ്ഥലത്തുവച്ചുതന്നെ മരിച്ചു. ഒന്‍പത് എം.എം പിസ്റ്റള്‍ ഉപയോഗിച്ചാണ് വെടിവെപ്പ് നടത്തിയത്. ഭൂട്ടാനയ്‌ക്കൊപ്പം യാത്രചെയ് ത സ്ത്രീയെക്കുറിച്ചും അന്വേഷണം നടത്തുന്നുണ്ട്.