കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പന്നിപ്പനി വെബ്‌സൈറ്റുമായി ഐടിക്കാര്‍

  • By Staff
Google Oneindia Malayalam News

ബാംഗ്ലൂര്‍: പന്നിപ്പനി ബാധിച്ച്‌ മരിക്കുന്നവരുടെ എണ്ണം അനുദിനം വര്‍ധിക്കുന്ന സാഹചര്യത്തില്‍ ബാംഗ്ലൂരിലെ ഏതാനും ഐടി പ്രൊഫഷണലുകള്‍ ചേര്‍ന്ന്‌ ഒരു വെബ്‌സൈറ്റിന്‌ രൂപം നല്‍കി.

പന്നിപ്പനിയെക്കുറിച്ചുള്ള പ്രധാന വിവരങ്ങളെല്ലാം ഉള്‍പ്പെടുന്നതാണ്‌ സൈ്വന്‍ഫ്‌ളൂഇന്ത്യ ഡോട്ട്‌ കോം എന്ന സൈറ്റ്‌. പന്നിപ്പനി വന്നുകഴിഞ്ഞാല്‍ എങ്ങനെ നേരിടാമെന്നതും പനിവരാതെ സൂക്ഷിക്കാനുള്ള മുന്‍കരുതലുകളുമെല്ലാം സൈറ്റില്‍ ഉള്‍പ്പെടുത്തിയിട്ടുണ്ട്‌.

സൈറ്റിന്‌ വായനക്കാരില്‍ നിന്നും നല്ല പ്രതികരണമാണ്‌ ലഭിക്കുന്നത്‌. സൈറ്റ്‌ പ്രവര്‍ത്തനം തുടങ്ങി വളരെ കുറച്ച്‌ സമയത്തിനുള്ളില്‍ത്തന്നെ അറുപതിനായിരം ആളുകള്‍ ഇതില്‍ സന്ദര്‍ശനം നടത്തിയിട്ടുണ്ട്‌. 1,50,000 പേജ്‌ വ്യൂവാണ്‌ രേഖപ്പെടുത്തിയിരിക്കുന്നത്‌.

ലളിതമായ എച്ച്‌ടിഎംഎല്‍ കോഡുകള്‍ ഉപയോഗിച്ചാണ്‌ വൈബ്‌സൈറ്റ്‌ ഡിസൈന്‍ ചെയ്‌തിരിക്കുന്നത്‌. വായിക്കുന്നവര്‍ക്ക്‌ കൂടുതല്‍ വിവരങ്ങള്‍ എഴുതിച്ചേര്‍ക്കാന്‍ കഴിയുമെങ്കില്‍ അതിനുള്ള സൗകര്യവും സൈറ്റിലുണ്ട്‌.

പ്രധാന നഗരങ്ങളിലെയെല്ലാം പന്നിപ്പനി സ്‌ക്രീനിങ്‌ സെന്ററുകളുടെ വിലാസം ഉള്‍പ്പെടെയുള്ള വിശദവിവരങ്ങള്‍ സൈറ്റില്‍ ലഭ്യമാണ്‌. മാത്രമല്ല പരിശോധനയുടെ ചെലവ്‌, അതിന്റെ ഘട്ടങ്ങള്‍ തുടങ്ങിയവയും സൈറ്റില്‍ ഉല്‍പ്പെടുത്തിയിട്ടുണ്ട്‌.

സൈറ്റില്‍ നിന്നും ലോകാരോഗ്യ സംഘടനയുടെ പന്നിപ്പനി സംബന്ധിച്ച സൈറ്റിലേയ്‌ക്കും, വിക്കീപീഡിയയിലെ പന്നിപ്പനി പേജിലേയ്‌ക്കുമെല്ലാം ലിങ്കുകളുമുണ്ട്‌.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X