Click it and Unblock the Notifications
Just In
Don't Miss
-
IPL 2024: ഹാര്ദിക് അല്ല, ലോകകപ്പ് കളിക്കേണ്ടത് ശിവം ദൂബെ; താരത്തിന് പിന്നില് അണിചേര്ന്ന് ആരാധകര് -
വെറും 2.99 ലക്ഷം മാത്രം! വർക്കിലും ലുക്കിലും നിഞ്ചയെ തൂക്കും മാക് 2 പതിപ്പുമായി അൾട്രാവയലറ്റ് -
സ്ത്രീകൾക്ക് സാമ്പത്തിക സുരക്ഷിതത്വം ഉറപ്പാക്കാൻ 4 പോസ്റ്റ് ഓഫീസ് പദ്ധതികൾ -
കേട്ടതെല്ലാം സത്യമായിരുന്നു; അവർ ഒരുമിച്ചാണ്; ഈ സ്ഥാനത്ത് സമാന്ത ആയിരുന്നെങ്കിലോ; ചർച്ചയാക്കി ആരാധകർ -
കാപ്പി കുടിച്ചാല്‍ മുടി കൊഴിയുമോ, കഫീന് മുടിയില് പുരട്ടിയാല് മുടി വളരുമോ? -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
പോള്‍ വധം: അന്വേഷണ സംഘത്തെ മാറ്റുന്നു
ആലപ്പുഴ: പോള്‍ ജോര്‍ജ്‌ വധക്കേസ്‌ അന്വേഷിക്കുന്ന സംഘത്തെ മാറ്റാന്‍ പൊലീസ്‌ ഉന്നത തലത്തില്‍ ആലോചന നടക്കുന്നതായി സൂചന.
ഇതുവരെയുള്ള നടപടികള്‍ വിശ്വാസ്യത തകര്‍ത്ത പശ്ചാത്തലത്തിലാണ്‌ മാറ്റത്തെക്കുറിച്ച്‌ അധികൃതര്‍ ആലോചിക്കുന്നത്‌. കേസ്‌ അന്വേഷത്തിന്റെ മേല്‍നോട്ടച്ചുമതലയുള്ള മധ്യമേഖല ഐജി വിന്‍സന്‍ എം പോള്‍ മറ്റാരെയെങ്കിലും അന്വേഷണം ഏല്‍പ്പിക്കണമെന്ന്‌ ആവശ്യപ്പെട്ടതായും റിപ്പോര്‍ട്ടുകളുണ്ട്‌.
എഡിജിപി പി ചന്ദ്രശേഖരന്‍ നായര്‍ വ്യാഴാഴ്‌ച വൈകീട്ട്‌ ആലപ്പുഴയിലെത്തിയത്‌ അന്വേഷണ സംഘത്തെ മാറ്റുന്നത്‌ സംബന്ധിച്ച ചര്‍ച്ചകള്‍ക്കാണെന്നും സൂചനയുണ്ട്‌.
കൊലനടന്ന്‌ അഞ്ചു ദിവസം കഴിഞ്ഞിട്ടും അന്വേഷണ സംഘം ആശയക്കുഴപ്പത്തിലാണ്‌. മുഖ്യ പ്രതിയുള്‍പ്പെടെ 14 പേരെ അറസ്റ്റുചെയ്‌തുവെന്ന്‌ പറയുന്ന പൊലീസ്‌ ഇനിയെന്ത്‌ ചെയ്യണമെന്ന്‌ അറിയാത്ത അവസ്ഥയിലാണ്‌.
ആദ്യഘട്ടത്തില്‍ അറസ്റ്റു ചെയ്‌ത 11 പ്രതികളെ കസ്റ്റഡിയില്‍ വാങ്ങുനുള്ള നടപടികളും കൈക്കൊണ്ടിട്ടില്ല. സംഘത്തിന്റെ ഉദാസീനതയാണിതിന്‌ കാരണമെന്ന്‌ പരക്കെ ആരോപണം ഉയര്‍ന്നിട്ടുണ്ട്‌.
വ്യാഴാഴ്‌ച ആലപ്പുഴയിലെത്തിയ എഡിജിപി കൊലപാതകം നടന്ന സ്ഥലം സന്ദര്‍ശിച്ചിട്ടുണ്ട്‌. തുടര്‍ന്ന്‌ എസ്‌പി ഓഫീസില്‍ ചേര്‍ന്ന യോഗത്തില്‍ അന്വേഷണ പുരോഗതി വിലയിരുത്തി.
കേസന്വേഷണം പുരോഗമിക്കുകയാണെന്നും പുതുതായി ഒന്നും പറയാനില്ലെന്നുമാണ്‌ അദ്ദേഹം മാധ്യമങ്ങളോട്‌ പറഞ്ഞത്‌. അന്വേഷണ സംഘത്തെ മാറ്റുമോയെന്ന ചോദ്യത്തിന്‌ ഇപ്പോള്‍ അതിനെക്കുറിച്ച്‌ ഒന്നും പറയാനാവില്ലെന്നായിരുന്നു അദ്ദേഹത്തിന്റെ മറുപടി.
