വ്യാജ പീഡനക്കേസ്: യുവതിയ്ക്ക് ചാട്ടവാറടി
ലാഹോര്: തന്നെ മാനഭംഗപ്പെടുത്തിയെന്ന് യുവാക്കള്ക്കെതിരെ കള്ള ആരോപണം ഉന്നയിച്ച യുവതിയ്ക്ക് ചാട്ടവാറടി.
പാകിസ്താനിലെ കോടതിയാണ് കള്ള ആരോപണം ഉന്നയിച്ച യുവതിയ്ക്ക് 40 ചാട്ടവാറടി ശിക്ഷയായി നല്കാന് ഉത്തരവിട്ടത്.
ആബിദ ബീവി എന്ന മുപ്പത്തിരണ്ടുകാരിയാണ് തന്നെ രണ്ട് പുരുഷന്മാര് ചേര്ന്ന് മാനഭംഗപ്പെടുത്തിയതായി കള്ളക്കേസ് നല്കിയത്.
2008ലായിരുന്നു കേസ് രജിസ്റ്റര് ചെയ്തതത്. ഭര്ത്താവ് വീട്ടിലില്ലാത്ത സമയത്ത് നാലുപേര് വീട്ടില് അതിക്രമിച്ച് കയറുകയും രണ്ടുപേര് തന്നെ മാനഭംഗപ്പെടുത്തുകയും ചെയ്തുവെന്നായിരുന്നു യുവതിയുടെ ആരോപണം.
എന്നാല് അന്വേഷണത്തില് ഇവരുടെ ആരോപണം വ്യാജമാണെന്ന് കണ്ടെത്തുകയായിരുന്നു. രണ്ട് പുരുഷന്മാര്ക്കെതിരെ തെറ്റായ ആരോപണം ഉന്നയിച്ച യുവതി കുറ്റക്കാരിയാണെന്ന് കോടതി നിരീക്ഷിച്ചു.
ഇതിന് മുമ്പ് വ്യഭിചാരക്കുറ്റത്തിന് രണ്ട് സ്ത്രീകളെ താലിബാന് പരസ്യമായി ചാട്ടവാറുകൊണ്ടടിച്ചിരുന്നു.