Click it and Unblock the Notifications
Just In
Don't Miss
-
ആദ്യ സെഷനിൽ നേട്ടം കൊയ്ത രണ്ട്‌ കമ്പനികൾ, മുന്നേറ്റം 5 ശതമാനം വരെ, വിപണിയിലും ഉണർവ്വ് -
35-ന് ശേഷവും യൗവ്വനവും തുടിപ്പും നിലനിര്ത്താം, എല്ലുകള് സ്ട്രോംങ് ആക്കാന് പാനീയങ്ങള് -
IPL 2024: ലോകകപ്പില് സഞ്ജു കളിക്കട്ടെ! രോഹിത്തിനു ശേഷം ഇന്ത്യന് നായകനുമാക്കൂ, ഭാജി പറയുന്നു -
ബൈക്കുകള്ക്ക് വില കൂട്ടി എന്ഫീല്ഡ് എതിരാളികള്; പേടിക്കണ്ട, ഒരു ഷര്ട്ട് വാങ്ങുന്ന പൈസയേ കൂടിയിട്ടുള്ളൂ... -
അവനെ നോക്കിയാല് തല്ല് കിട്ടും! സാറ ഭീഷണിപ്പെടുത്തി; അനന്യ പാണ്ഡെയുടെ വെളിപ്പെടുത്തല് -
തലച്ചോറുള്ളവർ ഇത് വാങ്ങും, അല്ലാത്തവർ പുച്ഛിക്കും! ഹോണറിന്റെ ഈ 5ജി ഫോണിന് ഞെട്ടിക്കുന്ന വിലക്കുറവ് -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ഓംപ്രകാശും പോളും തമ്മില്‍ അടുത്ത ബന്ധം
തിരുവനന്തപുരം: കൊല്ലപ്പെട്ട പോള്‍ മുത്തൂറ്റും ഗുണ്ടാത്തലവന്‍ ഓംപ്രകാശും തമ്മില്‍ വളരെ അടുത്ത സൗഹൃദമുണ്ടായിരുന്നതായി സൂചന.
ഓം പ്രകാശിന്റെ ലാപ്‌ടോപ്പ്‌ പരിശോധിച്ചതില്‍ നിന്നാണ്‌ ഇവര്‍ തമ്മിലുള്ള ബന്ധത്തെക്കുറിച്ച്‌ അന്വേഷണ സംഘത്തിന്‌ വിവരം ലഭിച്ചരിക്കുന്നത്‌. പോള്‍ നടത്തിയ രണ്ട്‌ ബിസിനസുകളില്‍ ഓംപ്രകാശ്‌ അനൗദ്യോഗിക പങ്കാളിയാണ്‌. മാത്രമല്ല ഇവര്‍ ഒരുമിച്ച്‌ ഒട്ടേറെ വിദേശരാജ്യങ്ങളില്‍ യാത്ര നടത്തിയിട്ടുണ്ടെന്നും സൂചനയുണ്ട്‌.
ആലപ്പുഴയില്‍ റിസോര്‍ട്ട്‌ സ്ഥാപിക്കാനുള്ള ആശയം മുന്നോട്ടുവച്ചത്‌ ഓംപ്രകാശ്‌ ആയിരുന്നുവെന്നും പൊലീസിന്‌ വിവരം ലഭിച്ചിട്ടുണ്ട്‌. ഇവുടെ പാരീസ്‌ സന്ദര്‍ശനത്തിനിടയില്‍ എടുത്തതെന്ന്‌ കരുതുന്ന ഫോട്ടോയും പൊലീസിന്‌ ലഭിച്ചു. പാരീസ്‌ സുന്ദരിമാരുടെ കൂടെ പോളും ഓംപ്രകാശും നില്‍ക്കുന്നതാണ്‌ ഫോട്ടോ.
രണ്ടുവര്‍ഷത്തിലേറെക്കാലമായി പോളും പ്രകാശും തമ്മില്‍ ബന്ധമുണ്ടെന്നാണ്‌ പൊലീസ്‌ കരുതുന്നത്‌. ഗുണ്ടാലിസ്റ്റില്‍ ഉള്‍പ്പെടുത്തിയപ്പോള്‍ പ്രകാശിന്‌ ഒളിച്ചുകഴിയാന്‍ സഹായം നല്‍കിയത്‌ പോള്‍ ആയിരുന്നുവെന്നും സൂചനയുണ്ട്‌.
പോളിന്റെ ബിസിനസ്‌ സംരംഭങ്ങളെക്കുറിച്ച്‌ എറണാകുളം ഐജിയുടെ നേതൃത്വത്തില്‍ അന്വേഷണം തുടങ്ങി. കൊലപാതകത്തിന്റെ യഥാര്‍ത്ഥ കാരണം ബിസിനസ്‌ വൈരമാണോയെന്ന്‌ അന്വേഷിച്ച്‌ റിപ്പോര്‍ട്ട്‌ സമര്‍പ്പിക്കാന്‍ എറണാകുളം സ്‌പെഷ്യല്‍ ബ്രാഞ്ച്‌ എസ്‌പിയെ ചുമതലപ്പെടുത്തി.
ഓംപ്രകാശിനൊപ്പം പുത്തന്‍പാലം രാജേഷുമായി പോളിന്‌ ബന്ധമുണ്ടോയെന്ന കാര്യത്തില്‍ വ്യക്തതയില്ല. ഇതുസംബന്ധിച്ച്‌ പൊലീസ്‌ വിശദമായ അന്വേഷണം നടത്തിവരുകയാണ്‌.
ഓംപ്രകാശ്‌ ദുബായിലേയ്‌ക്ക്‌ കടന്നുവെന്ന്‌ അഭ്യൂഹമുണ്ടെങ്കിലും തമിഴ്‌നാട്ടിലും കര്‍ണാടകത്തിലും ഇയാള്‍ക്കുവേണ്ടി തിരച്ചില്‍ നടക്കുന്നുണ്ട്‌. കൊലപാതകവുമായി ബന്ധപ്പെട്ട്‌ ഇതേവരെ 19പേരെ അറസ്‌റ്റുചെയ്‌തിട്ടുണ്ട്‌.
