കൈ വൃത്തിയായി സൂക്ഷിക്കുന്നത് വെറും 44%പേര്
ബാംഗ്ലൂര്: ഇന്ത്യക്കാര്ക്ക് വ്യക്തിശുചിത്വം കുറയുകയാണോ? ആണെന്നാണ് ഒരു പുതിയ സര്വ്വേ റിപ്പോര്ട്ട് വ്യക്തമാക്കുന്നത്. ഇന്ത്യക്കാരില് കൈകള് വൃത്തിയായി സൂക്ഷിക്കുന്നവരുടെ എണ്ണം പോലും കുറയുകയാണ്.
വെറും 44 ശതമാനം ഇന്ത്യക്കാര് മാത്രമാണ് തങ്ങളുടെ കൈകള് വൃത്തിയായി സൂക്ഷിക്കുന്നത്. ഇക്കാര്യത്തില് കാനഡക്കാരാണ് മുന്നിലെന്നും സര്വ്വേ റിപ്പോര്ട്ടില് പറയുന്നു.
ഗ്ലോബല് ഹൈജിനിക് കൗണ്സിലിന്റെ പങ്കാളിത്തത്തോടെ ഡെറ്റോള് നടത്തിയ സര്വ്വേയിലാണ് ഇക്കാര്യം കണ്ടെത്തിയത്. കൈകള് വൃത്തിയായി സൂക്ഷിക്കുന്നതില് അതീവ ശുഷ്കാന്തി കാണിക്കുന്നവരാണ് കാനഡക്കാര്. പനിയെ പ്രതിരോധിക്കാന് ഏറ്റവും നല്ലമാര്ഗ്ഗമിതാണെന്നാണ് ഇവര് വിശ്വസിക്കുന്നത്.
ഇന്ത്യക്കാര്ക്കും ഇക്കാര്യം അറിയാമെങ്കിലും കൈകഴുകി വൃത്തിയായി സൂക്ഷിക്കുന്നതില് അവര് മടിയന്മാരാണെന്നാണ് സര്വ്വേ റിപ്പോര്ട്ടില് നിന്നും മനസ്സിലാവുക. ശുചിത്വത്തിന്റെയും ആരോഗ്യത്തിന്റെയും കാര്യത്തില് വിവിധ രാജ്യക്കാര്ക്ക് വ്യത്യസ്ത വിശ്വാസങ്ങളാണുള്ളത്.
ഇന്ത്യക്കാരില് 20 ശതമാനം പേരുടെ വിശ്വാസം മാംസാഹാരങ്ങള് വര്ജ്ജിച്ചാല് പനിപിടികൂടുകയില്ലെന്നാണ്. എന്നാല് ആസ്ത്രേലിയ, ദക്ഷിണാഫ്രിക്ക തുടങ്ങിയ രാജ്യങ്ങളിലുള്ളവര് ഇങ്ങനെ വിശ്വസിക്കുന്നില്ല. ദക്ഷിണാഫ്രിക്ക, കാനഡ, ഇന്ത്യ, ആസ്ത്രേലിയ, മലേഷ്യ, ഇറ്റലി, ബ്രിട്ടന്, അമേരിക്ക തുടങ്ങിയ രാജ്യങ്ങളിലാണ് സര്വ്വേ നടത്തിയത്.
പനിയും വ്യക്തിശുചിത്വവും സംബന്ധിച്ച ചോദ്യങ്ങളാണ് പ്രധാനമായും ചോദിച്ചത്. പൊതുസ്ഥലങ്ങളിലുള്ള സന്ദര്ശനം കുറയ്ക്കുന്നത് പനിയെ ചെറുക്കാന് സഹായിക്കുമെന്നാണ് ഇറ്റലിയില് 58ശതമാനം പേരും വിശ്വസിക്കുന്നത്. 12ശതമാനം ഇന്ത്യക്കാര് മാത്രമേ ഇതിനോട് യോജിക്കുന്നുള്ളു.
ചവറ്റുകുട്ടകളില് നിന്നാണ് കാര്യമായി രോഗണുക്കള് പടരുന്നതെന്ന് മലേഷ്യക്കാരില് 71ശതമാനം പേരം വിശ്വസിക്കുമ്പോള് ഇന്ത്യക്കാരില് 16ശതമാനം മാത്രമേ ഇങ്ങനെ കരുതുന്നുള്ളു. ടോയ്ലറ്റ് സീറ്റ് വഴി അണുക്കള് പടരുമെന്ന കാര്യത്തിലും ഇന്ത്യക്കാരില് വേണ്ടത്ര അവബോധമില്ല.
കക്കൂസ് ഉപയോഗിച്ചശേഷം കൈകഴുകുന്ന ശീലം 27ശതമാനം ഇന്ത്യക്കാര്ക്ക് മാത്രമേയുള്ളുവെന്നും സര്വ്വേയില് കണ്ടെത്തി. എന്നാല് ദക്ഷിണാഫ്രിക്കക്കാരില് 44 ശതമാനം ആളുകളും കക്കൂസ് ഉപയോഗിച്ച് കഴിഞ്ഞാല് കൈകള് വൃത്തിയാക്കുന്നവരാണ്.