ദില്ലിയില്‍ 5ഇടത്ത്‌ ബോംബ്‌ ഭീഷണി

ദില്ലി: തലസ്ഥാന നഗരത്തില്‍ അഞ്ച്‌ സുപ്രധാനകേന്ദ്രങ്ങളില്‍ ബോംബ്‌ വച്ചതായി ഭീഷണി.
സഫ്‌ദര്‍ജങ്‌ ആശുപത്രി, റയില്‍വേസ്റ്റേഷന്‍, നഗരസഭാമന്ദിരം, കോണാട്ട് പ്ലേസിലെ പാലികകേന്ദ്രം, വികാസ്‌ മിനാര്‍ എന്നിവിടങ്ങളില്‍ ബോംബ്‌ വച്ചിട്ടുണ്ടെന്നാണ്‌ അജ്ഞാത സന്ദേശം ലഭിച്ചിരിക്കുന്നത്‌.

ഈ സ്ഥലങ്ങളില്‍ ബോംബ്‌ വച്ചിട്ടുണ്ടെന്ന്‌ പറഞ്ഞ്‌ പൊലീസ്‌ കണ്‍ട്രോള്‍ റൂമിലാണ്‌ ഭീഷണി സന്ദേശം ലഭിച്ചത്‌. ഡോഗ്‌ സ്‌ക്വാഡും ബോംബ്‌ സ്‌ക്വാഡും ഈ സ്ഥലങ്ങളില്‍ പരിശോധന നടത്തുന്നുണ്ട്‌. ഇവിടങ്ങളില്‍ നിന്നും ജനങ്ങളെ ഒഴിപ്പിച്ചിട്ടുണ്ട്‌.

ജനങ്ങളില്‍ പരിഭ്രാന്തി പരത്താനായി ആരോ വ്യാജ സന്ദേശം നല്‍കിയതാണെന്ന്‌ പൊലീസ്‌ സംശയിക്കുന്നുണ്ട്‌. എന്നാല്‍ ഇതിന്റെ പേരില്‍ പരിശോധനകള്‍ക്ക്‌ ഒരു കുറവും വരുത്തുന്നില്ലെന്ന്‌ അഡീഷണല്‍ പൊലീസ്‌ കമ്മീഷണര്‍ ശങ്കര്‍ ദാസ്‌ പറഞ്ഞു.