സ്വകാര്യപ്രാക്ടീസ് നിരോധിച്ചു; ശംബളം കൂട്ടി
ഡോക്ടര്മാര്ക്ക് നോണ് പ്രാക്ടീസ് അലവന്സ് ലഭ്യമാക്കുമെന്ന് മന്ത്രിസഭാ യോഗത്തിന് ശേഷം മുഖ്യമന്ത്രി വിഎസ് അച്യുതാനന്ദന് മാധ്യമപ്രവര്ത്തകരോട് പറഞ്ഞു. പേഷ്യന്റ് കെയര് അലവന്സ് അടിസ്ഥാന ശമ്പളത്തിന്റെ 15 ശതമാനവും നോണ്പ്രാക്ടസിങ് അലവന്സ് അടിസ്ഥാന ശമ്പളത്തിന്റെ 25 ശതമാനവും വര്ധിപ്പിക്കാനാണ് തീരുമാനം. പുതിയ പരിഷ്കാരങ്ങള് നടപ്പിലാക്കുന്നതിന്റെ ഭാഗമായി ഡോക്ടര്മാരുടെ ജോലി സമയം വര്ധിപ്പിക്കാനും തീരുമാനമായിട്ടുണ്ട്.
ശമ്പളം വര്ധിപ്പിക്കണമെന്ന ദീര്ഘനാളത്തെ ആവശ്യം അംഗീകരിക്കപ്പെട്ടുവെങ്കിലും സ്വാകാര്യ പ്രാക്ടീസ് നിരോധനം അംഗീകരിക്കില്ലെന്ന് മെഡിക്കല് കോളജ് ഡോക്ടര്മാരുടെ സംഘടനയായ കെജിഎംസിടിഎ പ്രതികരിച്ചു.
ഇപ്പോള് മെഡിക്കല് കോളെജ് (ക്ലിനിക്കല് വിഭാഗം)അധ്യാപകര്ക്ക് സ്വന്തം വീട്ടില് സ്വകാര്യ പ്രാക്ടീസ് നടത്താനും അതിന് പ്രതിഫലം വാങ്ങാനും അനുമതിയുണ്ട്. ഇത് മൂലം മെഡിക്കല് കോളെജ് ആശുപത്രികളില് ഡോക്ടര്മാരുടെ മുഴുവന് സമയ സേവനം ലഭ്യമാക്കാന് കഴിയുന്നില്ല.
Click it and Unblock the Notifications
Sign in with Google