മാധ്യമങ്ങള്ക്ക് വിവരം നല്കാന് സംവിധാനം
തിരുവനന്തപുരം: പൊലീസ് അന്വേഷിക്കുന്ന പ്രധാനപ്പെട്ട കേസുകളുടെ വിവരങ്ങള് മാധ്യമങ്ങളെ അറിയിക്കുന്നതിന് സ്ഥിരം സംവിധാനം ഉണ്ടാക്കുമെന്ന് ആഭ്യന്തരമന്ത്രി കോടിയേരി ബാലകൃഷ്ണന് നിയസഭയില് അറിയിച്ചു.
പൊതുജനങ്ങളുടെ സഹായം വേണ്ടിവരുന്ന കേസുകളിലാണ് പൊലീസുദ്യോഗസ്ഥര് വാര്ത്താസമ്മേളനം നടത്തുന്നതെന്നും കോടിയേരി പറഞ്ഞു.
പോള് വധക്കേസിന്റെ അന്വേഷണം പൂര്ത്തിയാകുന്നതിന് മുമ്പേ ഐജിയും അന്വേഷണ ഉദ്യോഗസ്ഥരും മാധ്യമപ്രവര്ത്തകര്ക്ക് കേസ് അന്വേഷണം സംബന്ധിച്ച വിവരങ്ങള് നല്കിയത് ശരിയായില്ലെന്ന് ഹൈക്കോടതി നിരീക്ഷിച്ചിരുന്നു.
വധക്കേസും അതുമായി ബന്ധപ്പെട്ടുണ്ടായ മാധ്യമവിചാരണയും മാധ്യമങ്ങളുടെ അന്വേഷണവും കേസിന്റെ വിചാരണയെ ബാധിക്കുമോയെന്ന അശങ്കയും കോടതി ഉയര്ത്തിയിരുന്നു.
ഇതിന്റെ പശ്ചാത്തലത്തിലാണ് കേസുകളുടെ വിവരങ്ങള് മാധ്യമങ്ങളെ അറിയിക്കാന് സ്ഥിരം സംവിധാനം ഉണ്ടാക്കാന് സര്ക്കാര് തീരുമാനിച്ചത്.