കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ദുബയ്‌ മെട്രോ സര്‍വ്വീസ്‌ തുടങ്ങി

  • By Staff
Google Oneindia Malayalam News

Dubai Metro
ഷാര്‍ജ: ദുബയുടെ ഏറെക്കാലത്തെ സ്വപ്‌നമായ മെട്രോ ട്രയിന്‍ സര്‍വ്വീസ്‌ സേവനം തുടങ്ങി. ബുധനാഴ്‌ച രാത്രി ദുബയ്‌ രാജാവ്‌ ഷെയ്‌ഖ്‌ മുഹമ്മദ്‌ ബിന്‍ റഷീദ്‌ എല്‍ മക്തൗം ആദ്യ ടിക്കറ്റെടുത്ത്‌ മെട്രോ സര്‍വ്വീസ്‌ ഉത്‌ഘാടനം ചെയ്‌തു.

മെട്രോയുടെ കന്നിയാത്രയില്‍ത്തന്നെ വന്‍ തിരക്കാണ്‌ അനുഭവപ്പെട്ടത്‌. കന്നി സര്‍വ്വീസില്‍ യാത്ര ചെയ്‌തവരില്‍ ഒട്ടേറെ മലയാളികളും ഉണ്ടായിരുന്നു.

റഷിദിയയില്‍ നിന്നും ജബല്‍ അലി വരെ 52.1 കിലോമീറ്റര്‍ ആണ്‌ റെഡ്‌ ലൈന്‍ സര്‍വ്വീസിന്റെ ദൈര്‍ഘ്യം. മൂന്നു വിഭാഗങ്ങളായാണ്‌ തീവണ്ടി സജ്ജീകരിച്ചിരിക്കുന്നത്‌. ഗോള്‍ഡ്‌ ക്ലാസ്‌ വിഭാഗത്തിന്‌ കൂടുതല്‍ വിസ്‌താരമുണ്ട്‌. സീറ്റുകള്‍ കൂടുതല്‍ സുഖപ്രദവുമാണ്‌. ഇതില്‍ സ്‌ത്രീകള്‍ക്ക്‌ പ്രത്യേക വിഭാഗമണ്ട്‌. സില്‍വര്‍ ക്ലാസാണ്‌ മറ്റൊരു വിഭാഗം.

ഇവയിലെല്ലാം സീസണ്‍ ടിക്കറ്റും ലഭ്യമാണ്‌. ഒരു സ്റ്റേഷനില്‍ ഒരു മിനിറ്റില്‍ താഴേയാണ്‌ വണ്ടി നില്‍ക്കുക. റെഡ്‌ ലൈനില്‍ ഇപ്പോള്‍ പത്തു സ്റ്റേഷനുകളാണ്‌ പ്രവര്‍ത്തന സജ്ജമായിരിക്കുന്നത്‌. 2010 ഫെബ്രുവരിയോടെ 19 സ്‌റ്റേഷനുകള്‍ കൂടി തയ്യാറാവും.

സ്‌റ്റേഷനുകള്‍ അടുക്കുമ്പോള്‍ ഇംഗ്ലീഷിലും അറബിയിലുമായി അറിയിപ്പ്‌ നല്‍കുന്നുണ്ട്‌. സ്റ്റേഷനുകളില്‍ നിന്നുമുള്ള സബ്‌ സര്‍വ്വീസുകളെക്കുറിച്ച്‌ യാത്രക്കാര്‍ക്ക്‌ കൃത്യമായ വിവരം ലഭിക്കും.

തീവണ്ടിയുടെ വേഗത 45കിലോമീറ്റര്‍ മുതല്‍ 90 കിലോമീറ്റര്‍ വരെയാണ്‌. ഡ്രൈവര്‍ ഇല്ലാതെ വിദൂര നിയന്ത്രണ സംവിധാനത്തില്‍ ഓടുന്ന ശബ്ദരഹിത തീവണ്ടിയാണിത്‌. നാല്‌ ഭൂഗര്‍ഭ സ്‌റ്റേഷനുകളാണ്‌ ഉള്ളത്‌.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X