Click it and Unblock the Notifications
Just In
Don't Miss
-
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൈ ശോഷിച്ചു വന്നു, അവന് ജീവിതം അവസാനിപ്പിക്കാന് തോന്നി; അര്ജുന്റെ അസുഖത്തെക്കുറിച്ച് അമ്മ -
ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ -
സ്നേഹം ഒരാള്ക്ക് മാത്രം: നമ്മളെ സ്നേഹിക്കാത്തവരെ മനസ്സില് നിന്നും മായ്ക്കാന് ചില മാര്ഗ്ഗങ്ങള് -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
പഞ്ചാബ് അതിര്‍ത്തിയില്‍ പാക്‌ റോക്കറ്റാക്രമണം
അമൃത്സര്‍: പഞ്ചാബ് അതിര്‍ത്തിയില്‍ പാകിസ്താന് സൈനികര്‍ റോക്കറ്റ്‌ ആക്രമണം നടത്തി. വെള്ളിയാഴ്‌ച രാത്രിയാണ്‌ അതിര്‍ത്തി ഗ്രാമങ്ങളില്‍ റോക്കറ്റാക്രമണമുണ്ടായത്‌.
ഇതിനെത്തുടര്‍ന്ന്‌ ഇന്ത്യയുടെ സേന തിരിച്ചടിച്ചു. മെഷിന്‍ ഗണ്‍ ഉപയോഗിച്ചാണ്‌ ഇന്ത്യന്‍ അതിര്‍ത്തി രക്ഷാ സേന പാക്‌ സൈന്യത്തിന്റെ ആക്രമണത്തിനെതിരെ തിരിച്ചടിച്ചത്‌. രണ്ട്‌ മാസത്തിനുള്ളില്‍ ഇത്‌ രണ്ടാമത്തെ ആക്രമണമാണ്‌ ഈ ഭാഗത്ത്‌ പാക്‌ സൈന്യം നടത്തുന്നത്‌.
ബിഎസ്‌എഫിന്റെ ആദ്യ ബാച്ച്‌ വനിതാ സൈനികരെ വ്യാഴാഴ്‌ചയാണ്‌ അതിര്‍ത്തിയില്‍ വിന്യസിച്ചത്‌. ഇതിന്‌ തൊട്ടടുത്ത ദിവസമാണ്‌ ആക്രമണമെന്നതും ശ്രദ്ധേയമാണ്‌.
വെള്ളിയാഴ്‌ച അര്‍ധരാത്രിയോടെ പാക്‌ ഭാഗത്തുനിന്നും മൂന്നിലധികം റോക്കറ്റുകല്‍ ഇന്ത്യന്‍ മണ്ണില്‍ പതിക്കുകയായിരുന്നു. ആക്രമണത്തില്‍ സൈനികര്‍ക്കൊന്നും പരുക്കേറ്റതായി റിപ്പോര്‍ട്ടില്ല. ഇന്ത്യയുടെ ഭാഗത്തുനിന്നും യാതൊരു പ്രകോപനവുമില്ലാതെയാണ്‌ പാക്‌ സേന ആക്രമണം നടത്തിയതെന്ന്‌ ബിഎസ്‌എഫ്‌ ഐജി ഹിമ്മത്‌ സിങ്‌ അറിയിച്ചു.
ധനോയെ കുര്‍ദ്‌ ഗ്രാമത്തിലാണ്‌ പാകിസ്‌താന്റെ ആദ്യ റോക്കറ്റ്‌ പതിച്ചത്‌. വീണ്ടും സമാനമായ ആക്രമണമുണ്ടായപ്പോഴാണ്‌ ഇന്ത്യന്‍ സേന പ്രതികരിച്ചത്‌.
സംഭവത്തെത്തുടര്‍ന്ന്‌ പാക്‌ റേഞ്ചേഴ്‌സുമായി ബിഎസ്‌എഫ്‌ അധികൃതര്‍ അടിയന്തരഫ്‌ളാഗ്‌ മീറ്റ്‌ വിളിച്ചിട്ടുണ്ട്‌. അതിര്‍ത്തിയിലേയ്‌ക്കുള്ള റോഡുകളില്‍ പൊലീസ്‌ ബാരിക്കേഡുകള്‍ തീര്‍ത്തിട്ടുണ്ട്‌.
