തോട്ടം തൊഴിലാളികള്‍ക്ക്‌ ഇഎസ്‌ഐ

തിരുവനന്തപുരം: തോട്ടം തൊഴിലാളികള്‍ക്ക്‌ ഇഎസ്‌ഐ ആനുകൂല്യം ഏര്‍പ്പെടുത്തുമെന്ന്‌ തൊഴില്‍മന്ത്രി പികെ ഗുരുദാസന്‍ പറഞ്ഞു. എല്ലാ തൊഴില്‍ മേഖലകളിലും ഇഎസ്‌ഐ ആനുകൂല്യം ലഭ്യമാക്കുകയെന്നതാണ്‌ സര്‍ക്കാരിന്റെ ലക്ഷ്യം.

തൊഴിലപകട നഷ്ട പരിഹാരക്കേസുകള്‍ വേഗത്തില്‍ തീര്‍പ്പാക്കാന്‍ അദാലത്തുകള്‍ നടത്തുമെന്നും പി.കെ ഗുരുദാസന്‍ നിയമസഭയില്‍ ചോദ്യോത്തരവേളയില്‍ പറഞ്ഞു. തൊഴില്‍ ജന്യ രോഗമുണ്ടാകുന്നവര്‍ക്ക്‌ നഷ്‌ടപരിഹാരം നല്‍കും.

വോള്‍ട്ടേജ്‌ ക്ഷാമം പരിഹരിക്കാന്‍ അടിയന്തര നടപടികള്‍ സ്വീകരിക്കുമെന്ന്‌ വൈദ്യുതി മന്ത്രി എ കെ ബാലന്‍ പറഞ്ഞു. വൈദ്യുതി ഉപഭോഗത്തില്‍ അഞ്ച്‌ മില്യണ്‍ യൂണിറ്റിന്റെ വര്‍ധനവ ഉണ്ടായിട്ടുണ്ട്‌. ഈ സര്‍ക്കാര്‍ അധികാരത്തില്‍ വന്ന ശേഷം 15 ലക്ഷം പുതിയ വൈദ്യുതി കണക്ഷനുകള്‍ നല്‍കിയിട്ടുണ്ടെന്നും മന്ത്രി അറിയിച്ചു.