ഡോക്ടര്മാരുമായി ചര്ച്ചയില്ല: സര്ക്കാര്
അതേ സമയം ഡോക്ടര്മാരുടെ സമരം അടിച്ചമര്ത്താനാണ് ശ്രമമെങ്കില് ഗുരുതരമായ പ്രത്യാഘാതങ്ങളുണ്ടാവുമെന്ന് മെഡിക്കല് കോളെജ് ഡോക്ടര്മാരുടെ സംഘടനായയ കെജിഎംസിടിഎ അറിയിച്ചു. ചര്ച്ച വേണ്ടെന്ന സര്ക്കാര് തീരുമാനം നിരാശജനകമാണെന്നും സംഘടനാ ഭാരവാഹികള് അറിയിച്ചു.
സര്ക്കാര് തീരുമാനത്തില് പ്രതിഷേധിച്ച് 20 ഡോക്ടര്മാര് രാജി സന്നദ്ധത അറിയച്ചതായും സംഘടനാ ഭാരവാഹികള് വെളിപ്പെടുത്തി. എന്നാല് ഡോക്ടര്മാരുടെ രാജിക്കത്ത് തല്ക്കാലം സര്ക്കാരിന് കൈമാറില്ലെന്ന് അവര് അറിയിച്ചു. സര്ക്കാരിനെ സമ്മര്ദ്ദത്തിലാഴ്ത്താനുള്ള നീക്കമായാണ് ഇത് വിലയിരുത്തപ്പെടുന്നത്.
ശമ്പള പരിഷ്കരണത്തിലെ അപാകതകള് പരിഹരിക്കാത്തതില് പ്രതിഷേധിച്ച് സര്ക്കാര് മെഡിക്കല് കോളജിലെ ഡോക്ടര്മാര് ചൊവ്വാഴ്ച മുതല് സ്വകാര്യ പ്രാക്ടീസ് നിര്ത്തിവെക്കുമെന്ന് പ്രഖ്യാപിച്ചിരുന്നു.
സ്വകാര്യ പ്രാക്ടീസ് നിരോധനം ഒക്ടോബര് ഒന്നു മുതല് മാത്രമേ പ്രാബല്യത്തില് വരൂവെന്ന് ആരോഗ്യവകുപ്പ് അറിയിച്ചിരുന്നുവെങ്കിലും ചൊവ്വാഴ്ച സ്വകാര്യ പ്രാക്ടീസ് നിര്ത്തിവക്കാന് ഡോക്ടര്മാര് തീരുമാനിക്കുകയായിരുന്നു. പേവാര്ഡില് രോഗികളെ പ്രവേശിപ്പിക്കാതെ നിസഹകരണ സമരം തുടരുന്നത് അംഗീകരിക്കില്ലെന്നാണ് സര്ക്കാര് നിലപാട്. സമരം രോഗികളെ ബാധിച്ചാല് എസ്മ പ്രയോഗിക്കാനും സര്ക്കാര് ആലോചിക്കുന്നുണ്ട്.