ഡോക്ടര്മാര് സമരം നിര്ത്തി; വെള്ളിയാഴ്ച ചര്ച്ച
സമരത്തിനെതിരെ സംഘടനയ്ക്കുള്ളില് എതിര്പ്പുയര്ന്ന സാഹചര്യത്തിലാണ് സമരം പിന്വലിക്കാന് ഡോക്ടര്മാര് തയ്യാറായതെന്നും റിപ്പോര്ട്ടുണ്ട്. സമരം പിന്വലിയ്ക്കാതെ ചര്ച്ചയില്ലെന്ന് ആരോഗ്യ മന്ത്രി പി കെ ശ്രീമതി കഴിഞ്ഞ ദിവസം വ്യക്തമാക്കിയിരുന്നു. ശംബളം മൂന്നിരിട്ടയാക്കി വര്ദ്ധിപ്പിച്ചിട്ടും സമരം തുടരുന്നത് ന്യായീകരിയ്ക്കാന് കഴിയില്ലെന്നും അവര് ചൂണ്ടിക്കാണിച്ചു.
ഉപാധികളില്ലെ സമരത്തില് നിന്നും പിന്മാറാന് തയ്യാറാണെന്ന് തൃശൂര് മെഡിക്കല് കോളേജിലെ അധ്യാപകര് കഴിഞ്ഞ ദിവസം അറിയിച്ചിരുന്നു. സംഘടനയ്ക്കുള്ളില് ഭിന്നിപ്പുണ്ടെന്നതിന്റെ വ്യക്തമായ സൂചനയായിരുന്നു ഇത്.
ഡോക്ടര്മാരുടെ ശമ്പളം മൂന്നിരട്ടിയാക്കി വര്ധിപ്പിച്ച ശേഷം സമരത്തില് നിന്ന് പിന്മാറുന്നതായി നേരത്തെയുള്ള സംഘടനാ നേതൃത്വം പ്രഖ്യാപിച്ചിരുന്നു. എന്നാല് പിന്നീട് ചേര്ന്ന സംഘടനയുടെ സെന്ട്രല് കമ്മിറ്റി സമരം തുടരാന് തീരുമാനിക്കുകയായിരുന്നു.