ലാവലിന്: ആന്റണിയെ ചോദ്യം ചെയ്യണമെന്ന് ഹര്ജി
വൈദ്യുതി മന്ത്രിയായിരുന്ന ജി കാര്ത്തികേയന് ലാവലിന് കമ്പനിയുമായി ധാരണാപത്രം ഒപ്പിടുമ്പോള് മുഖ്യമന്ത്രി ആന്റണിയായിരുന്നെന്നും നിബന്ധനകള് ആയശേഷമാണ് പിണറായി വിജയന് വൈദ്യുതി മന്ത്രിയായി ചുമതലയേല്ക്കുന്നതെന്നും ഹര്ജിയില് പറയുന്നു.
ആന്റണിയുടെ നേതൃത്വത്തിലുള്ള സര്ക്കാരാണ് ലാവലിന് കമ്പനിയുമായി ധാരണാപത്രം ഉണ്ടാക്കിയത്. ആദ്യമായി ഒപ്പിട്ട ധാരണപത്രമനുസരിച്ചാണ് ലാവലിനുമായി ബന്ധപ്പെട്ട കാര്യങ്ങള് തീരുമാനിയ്ക്കപ്പെട്ടത്. ഇക്കാര്യങ്ങള് മുന്നോട്ടു കൊണ്ടു പോകുക മാത്രമായിരുന്നു പിന്നീടുള്ള ഭരണകര്ത്താക്കളെല്ലാം ചെയ്തത്.
നായനാര് മുഖ്യമന്ത്രിയായിരുന്ന കാലത്ത് അദ്ദേഹത്തിന്റെ കൂടെ പിണറായി നടത്തിയ കാനഡ യാത്ര പോലും കാര്ത്തികേയന് തുടങ്ങി വച്ച നടപടികളുടെ തുടര്ച്ച മാത്രമായിരുന്നു. എംഒയു ലാപ്സായതും ആന്റണിയുടെ കാലത്താണ് ഇക്കാര്യങ്ങളുടെ വിശദാംശങ്ങള് അറിയാവുന്ന വ്യക്തിയാണ് ആന്റണി. അതുകൊണ്ട് അദ്ദേഹത്തെ സിബിഐ വിശദമായി ചോദ്യം ചെയ്യണമെന്നാണ് ഹര്ജിയിലെ ആവശ്യം.
പന്നിയാര്, ചെങ്കുളം പള്ളിവാസല് പദ്ധതിയുടെ നവീകരണവും മലബാര് കാന്സര് സെന്റര് നിര്മാണവും രണ്ടു കാര്യങ്ങളാണെന്നും ഇവ തമ്മില് ബന്ധമില്ലെന്നും ഹര്ജിയില് ഊന്നിപ്പറഞ്ഞിട്ടുണ്ട്. 11 ഓളം പേജുകളുള്ള ഹര്ജിയില് ലാവലിന് ഇടപാടിന്റെ ഉത്തരവാദിത്തം പൂര്ണ്ണമായും യുഡിഎഫ് സര്ക്കാരിനാണെന്ന് ആരോപിയ്ക്കുന്നു.
Click it and Unblock the Notifications
Sign in with Google