ഒന്നാം മാറാട് പ്രതികള്ക്ക് 5 വര്ഷം കഠിന തടവ്
കോഴിക്കോട്: ഒന്നാം മാറാട് കലാപത്തില് അരയച്ചന്റകത്ത് രജനിയുടെ വീടു കത്തിച്ച കേസിലെ പത്തു പ്രതികള്ക്കും അഞ്ച് വര്ഷം കഠിനതടവും 18,000രൂപ പിഴയും വിധിച്ചു.
മാറാട് എര്ജുവിന്റകത്ത് സൈനുദ്ദീന്, എര്ജുവിന്റകത്ത് സാലി, എര്ജുവിന്റകത്ത് ലത്തീഫ്, കിണറ്റിങ്കലകത്ത് റാഫി, കിണറ്റിങ്കലകത്ത് അസ്കര്, കിണറ്റിങ്കലകത്ത് നിസാര്, തലയ്ക്കലകത്ത് കുഞ്ഞിമോന്, സീമാമൂന്റകത്ത് അനു, നൈനാംവളപ്പില് യൂനുസ് എന്നിവര്ക്കാണു മാറാട് പ്രത്യേക കോടതി ജഡ്ജി കെപി പ്രസന്നകുമാരി ശിക്ഷ വിധിച്ചത്.
സംഘം ചേരല്, മതസ്പര്ധയുണ്ടാക്കല്, തീവെപ്പ്, വീടിനകത്ത് അതിക്രമിച്ചു കടക്കല്, തുടങ്ങിയവയാണ് പ്രതികള്ക്കെതിരെ ചുമത്തിയിരുന്ന കുറ്റങ്ങള്. മതിയായ തെളിവുകളോ സാക്ഷികളോ ഇല്ലാത്തതിനാല് സീമാമൂന്റകത്ത് ഗഫൂറിനെ കുറ്റവിമുക്തനാക്കി. 2002 ജനുവരി മൂന്നിനാണ് കേസിനാസ്പദമായ സംഭവം.