സെബാസ്റ്റ്യന്‍ പോളിനെ തേജോവധം ചെയ്യുന്നു

പാലക്കാട്‌: വിമര്‍ശിയ്‌ക്കുന്നവരെ ഏകാധിപത്യ ശൈലിയില്‍ സിപിഎം തേജോവധം ചെയ്യുകയാണെന്ന്‌ വിഎം സുധീരന്‍ പറഞ്ഞു. കൂടെനില്‍ക്കുന്നവരെ എങ്ങനെയകറ്റാം എന്ന കാര്യത്തില്‍ സിപിഎം ഗവേഷണം നടത്തുകയാണ്‌. സെബാസ്റ്റ്യന്‍പോളിന്റെ വിമര്‍ശനം ഉള്‍ക്കൊണ്ട്‌ ശരിയായ ആത്മപരിശോധന നടത്താന്‍ സിപിഎം തയ്യാറാകണം.

പറഞ്ഞതിലെ വാസ്‌തവം പരിശോധിക്കാതെ സിപിഎം സെബാസ്റ്റ്യന്‍പോളിനെ അടച്ചാക്ഷേപിക്കുകയാണ്‌. വാസ്‌തവ വിരുദ്ധമായ കാര്യങ്ങള്‍ പറഞ്ഞ്‌ സെബാസ്റ്റ്യന്‍ പോളിനെ ചെറുത്തു തോല്‌പിക്കാന്‍ ശ്രമിക്കുകയാണെന്നും സുധീരന്‍ പറഞ്ഞു.

സിപിഎം സംസ്ഥാന സെക്രട്ടറി പിണറായി വിജയന്‍ ഉപജാപകവൃന്ദത്തിന്റെ പിടിയിലാണെന്ന്‌ പറഞ്ഞതിനെ തുടര്‍ന്ന്‌ സെബാസ്റ്റ്യന്‍ പോളിനെ പാര്‍ട്ടി നേതാക്കള്‍ രൂക്ഷമായി വിമര്‍ശിച്ചിരുന്നു.