കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഷോപ്പിയാന്‍: പെണ്‍കുട്ടികളില്‍ ഒരാള്‍ കന്യക

  • By Staff
Google Oneindia Malayalam News

ജമ്മു കശ്‌മീര്‍: കശ്‌മീര്‍ താഴ്‌ വരയെ ഇളക്കിമറിച്ച ഷോപ്പിയാന്‍ കേസില്‍ പുതിയ വഴിത്തിരിവ്‌, ബലാത്സംഗത്തിനിരയായി കൊല്ലപ്പെട്ടുവെന്ന്‌ സംശയിച്ച രണ്ട്‌ പെണ്‍കുട്ടികളില്‍ ഒരാള്‍ കന്യകയാണെന്ന്‌ റിപ്പോര്‍ട്ട്‌. കൊല്ലപ്പെട്ട നീലോഫറി(22)ന്റെയും ഭര്‍തൃസഹോദരി ആസിയ(17)യുടെയും മൃതദേഹങ്ങള്‍ തിങ്കളാഴ്‌ച പുറത്തെടുത്ത്‌ പരിശോധിച്ചിരുന്നു. ദില്ലി ഓള്‍ ഇന്ത്യ മെഡിക്കല്‍ ഇന്‍സിസ്‌റ്റിറ്റിയൂട്ടിലെ വിദഗ്‌ധരാണ്‌ മൃതദേഹങ്ങളില്‍ വിദഗ്‌ധ പരിശോധന നടത്തിയത്‌. എഐഐഎംഎസിലെ ഫോറന്‍സിക്‌ വിദഗ്‌ധര്‍ തന്നെയാണ്‌ കൊല്ലപ്പെട്ട ഒരു പെണ്‍കുട്ടി കന്യകയായിരുന്നു എന്ന്‌ വെളിപ്പെടുത്തിയിരിക്കുന്നത്‌.

കൊല്ലപ്പെട്ട ആസിയാ ജാന്‍(17) ബലാത്സംഗത്തിനിരയായിട്ടില്ലെന്നാണ്‌ പരിശോധനാ റിപ്പോര്‍ട്ട്‌ വ്യക്തമാക്കുന്നതെന്ന്‌ ഔദ്യോഗിക വൃത്തങ്ങള്‍ അറിയിച്ചു. പെണ്‍കുട്ടികള്‍ കൊല്ലപ്പെട്ട്‌ ഏകദേശം നാലുമാസത്തിന്‌ ശേഷമാണ്‌ മൃതദേഹങ്ങള്‍ പുറത്തെടുത്ത്‌ പരിശോധിച്ചത്‌.

തിങ്കളാഴ്‌ച രാവിലെ ഏഴു മണി മുതല്‍ തുടര്‍ച്ചയായി ഒമ്പത്‌ മണിക്കൂര്‍ നീണ്ടു നിന്ന പരിശോധനയ്‌ക്കൊടുവിലാണ്‌ ആസിയാ ജാന്‍ കന്യകയായിരുന്നുവെന്ന്‌ സ്ഥിരീകരിച്ചത്‌. കൊല്ലപ്പെട്ട നീലോഫറിന്‍റെയും ആസിയയുടെയും വീട്ടുകാരുടെയും സമ്മതത്തോടെയാണ്‌ ശരീരാവശിഷ്ടങ്ങള്‍ സിബിഐ സൂക്ഷ്‌മ പരിശോധനയ്‌ക്ക്‌ വിധേയമാക്കിയത്‌.

പുതിയ കണ്ടെത്തല്‍ ഷോപ്പിയാന്‍ കേസിനെ കൂടുതല്‍ ദുരൂഹതകളിലേക്ക്‌ വലിച്ചിഴച്ചിരിയ്‌ക്കുകയാണ്‌. സ്‌ത്രീകള്‍ ഇരുവരും ബലാത്സംഗത്തിനിരയായി എ്‌ന്‌ സൂചിപ്പിയ്‌ക്കുന്ന പോസ്‌റ്റ്‌മോര്‍ട്ടം റിപ്പോര്‍ട്ടിന്‌ വിരുദ്ധമാണ്‌ പുതിയ വെളിപ്പെടുത്തല്‍.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X