രാഹുലിനോട് സിപിഎമ്മിന് അസൂയ: ചെന്നിത്തല
ശുചിത്വമില്ലായ്മയുടെ പേരും പറഞ്ഞ് ഹോട്ടല് പൂട്ടിച്ച പഞ്ചായത്ത് അധികൃതരുടെ നടപടി രാഷ്ട്രീയ പ്രേരിതമാണെന്ന് രമേശ് ചെന്നിത്തല ആരോപിച്ചു.
രാഹുലിന് ലഭിക്കുന്ന ജനപിന്തുണയിലുള്ള അസൂയയും യുവാക്കള് രാഹുലിലേയ്ക്ക് ആകര്ഷിക്കപ്പെടുന്നതിലുള്ള അസഹിഷ്ണുതയുമാണ് സിപിഎമ്മിനെ ഇത്തരം നടപടികള്ക്ക് പേരിപ്പിക്കുന്നത്- ചെന്നിത്തല പറഞ്ഞു.
രാഹുല് പഞ്ചനക്ഷത്ര ഹോട്ടലിലല്ല ചായകുടിക്കാന് കയറിയത് ഒരു സാധാരണക്കാരന്റെ ഹോട്ടലിലാണ്. രാഹുലിനെ അപമാനിച്ച പൊലീസുകാരനെതിരെ നടപടിയെടുക്കുന്നതിന് പകരം അദ്ദേഹം ചായകുടിച്ച ഹോട്ടല് അടക്കാന് തിടുക്കം കാണിച്ചത് രാഹുലിനോട് മാര്ക്സിസ്റ്റുകാര്ക്കുള്ള വിരോധം മൂലമാണ്- ഉമ്മന്ചാണ്ടി പറഞ്ഞു.
വെള്ളിയാഴ്ച രാവിലെയാണ് നേതാക്കള് കോഴിക്കോട് ബൈപാസില് പാലാഴിയിലുള്ള ഹോട്ടലില് സന്ദര്ശനം നടത്തിയത്. ജി കാര്ത്തികേയന്, ടി സിദ്ദിഖ് എന്നിവരും ഇവര്ക്കൊപ്പമുണ്ടായിരുന്നു.