ഓംപ്രകാശിന്റെയും രാജേഷിന്റെയും റിമാന്റ്‌ നീട്ടി

തിരുവനന്തപുരം: പോള്‍ മുത്തൂറ്റ്‌ വധക്കേസില്‍ പ്രതികളായ ഗുണ്ടാനേതാക്കള്‍ ഓംപ്രകാശിന്റെയും പുത്തന്‍പാലം രാജേഷിന്റെയും റിമാന്റ്‌ കാലാവധി നീട്ടി. ഒക്ടോബര്‍ 29വരെയാണ്‌ റിമാന്റ്‌ നീട്ടിയിരിക്കുന്നത്‌.

ഇതിനിടെ വധക്കേസില്‍ പ്രതകളാക്കപ്പെട്ട ചങ്ങനാശേരി ക്വട്ടേഷന്‍ സംഘത്തിലെ നാലു പേരുടെ ജാമ്യാപേക്ഷയില്‍ ചൊവ്വാഴ്‌ച വാദം നടക്കും.

ആറടി ഉയരമുള്ള പോള്‍ ജോര്‍ജിനെ അയാളേക്കാള്‍ ഒന്നരയടി ഉയരക്കുറവുള്ള കാരി സതീഷ്‌ പിടിച്ചുനിര്‍ത്തി കുത്തിക്കൊന്നുവെന്ന സര്‍ക്കാര്‍ നിലപാട്‌ ശരിയല്ലെന്ന്‌ വ്യാഴാഴ്‌ച ഹര്‍ജി പരിഗണിച്ചപ്പോള്‍ ഹര്‍ജിക്കാര്‍ വാദിച്ചിരുന്നു.

ചങ്ങനാശേരി സംഘത്തെ അനാവശ്യമായിട്ടാണ്‌ കേസിള്‍ ഉള്‍പ്പെടുത്തിയിരിക്കുന്നതെന്നും ഹര്‍ജിക്കാരുടെ വക്കീല്‍ വാദിച്ചു. പതിനഞ്ചോളം പേരുള്‍പ്പെട്ട സംഘമാണ്‌ പോളിനെ ആക്രമിച്ചതെന്നാണ്‌ പ്രോസിക്യൂഷന്‍ വാദം. സംഘത്തില്‍പ്പെട്ട കാരി സതീഷാണ്‌ പോളിനെ കുത്തിയത്‌. ഇക്കൂട്ടത്തില്‍ 11പേരെ അറസ്റ്റുചെയ്‌തിട്ടുണ്ട്‌.