തമിഴ്നാട്ടില് 7500 കുട്ടികള് എച്ച്ഐവി പോസിറ്റീവ്
എയ്ഡ്സ് ബാധിതരായ കുട്ടികളുടെ സംരക്ഷണത്തിനായി സര്ക്കാര് വിവിധ പദ്ധതികളാണ് ആസൂത്രണം ചെയ്തിട്ടുള്ളത്. ഇത്തരം കുട്ടികളുടെ സംരക്ഷണത്തിനായി തമിഴ്നാട് സര്ക്കാര് അഞ്ചു കോടി രൂപ അനുവദിച്ചിട്ടുണ്ട്.
ഇവരുടെ വിദ്യാഭ്യാസത്തിനും പോഷകാഹാരം നല്കുന്നതിനും ആരോഗ്യ, സാമൂഹിക സുരക്ഷയ്ക്കും സര്ക്കാര് പ്രത്യേക പദ്ധതികള് ആവിഷ്കരിച്ചിട്ടുണ്ട്.
2004 ഏപ്രില് ഒന്നിന് കേന്ദ്രസര്ക്കാര് സൗജന്യ ആന്റി റിട്രോവൈറല് തെറാപ്പി (എ.ആര്.ടി.) ഏര്പ്പെടുത്തിയതിന് ശേഷം തമിഴ്നാട്ടില് എല്ലാ ജില്ലകളിലുമായി നിലവില് 35 എ.ആര്.ടി. സെന്ററുകള് ആരംഭിച്ചതായി എയ്ഡ്സ് കണ്ട്രോള് സൊസൈറ്റിയുടെ കണക്ക് വ്യക്തമാക്കുന്നു.
ഇത്തരം എ.ആര്.ടി. സെന്ററുകള് വഴി നിലവില് 35,000 എച്ച്.ഐ.വി. പോസിറ്റീവ് ആള്ക്കാര് ചികിത്സ തേടുന്നുണ്ട്. ഇതുകൂടാതെ 2784 കുട്ടികളും സൗജന്യ എ.ആര്.ടി. തെറാപ്പിക്ക് വിധേയരാകുന്നുണ്ട്.