Click it and Unblock the Notifications
Just In
Don't Miss
-
ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഐഎസ്‌ആര്‍ഒ ചെയര്‍മാനായി കെ രാധാകൃഷ്‌ണനെ നിയമിച്ചു
രാജ്യത്തിന്റെ അഭിമാന പദ്ധതിയായ ചാന്ദ്രയാന്‍ ഒന്നിന്റെ പ്രവര്‍ത്തനങ്ങള്‍ക്ക്‌ നേതൃത്വം വഹിച്ച രാധാകൃഷ്‌ണന്‍ തൃശ്ശൂര്‍ ഇരിങ്ങാലക്കുട സ്വദേശിയാണ്‌. കേരള സര്‍വ്വകലാശാലയില്‍ നിന്ന്‌ എഞ്ചിനീയറിംങില്‍ ബിരുദമെടുത്തശേഷം ബങ്കലുരു ഐ.ഐഎമ്മില്‍ നിന്ന്‌ എംബിഎ ബിരുദമെടുത്തു. പിന്നീട്‌ ഖൊരകപുര്‍ ഐഐടി യില്‍ നിന്ന്‌ ഡോക്‌ടറേറ്റും കരസ്ഥമാക്കി.
ഇന്ത്യന്‍ ജിയോളജിക്കല്‍ സൊസൈറ്റിയുടെ ആജീവനാന്ത അംഗമായ ഇദ്ദേഹം ശാസ്‌ത്രീയ സംഗീതത്തിലും കഥകളിയിലും അവഗാഹമുള്ളയാള്‍ കൂടിയാണ്‌. ബംഗ്ലൂരില്‍ ഇറക്കിയ വാര്‍ത്താക്കുറിപ്പിലാണ്‌ ഐഎസ്‌ആര്‍ഒ വിവരമറിയിച്ചത്‌. ബഹിരാകാശ രംഗത്ത്‌ ഇന്ത്യയെ മുന്‍നിരയിലേക്ക്‌ നയിക്കുന്നതില്‍ നിര്‍ണായക പങ്കുവഹിച്ച വിരമിക്കുന്ന ചെയര്‍മാന്‍ ഡോക്ടര്‍ ജി മാധവന്‍ നായര്‍ക്ക്‌ സുപ്രധാനമായ പുതിയ സ്‌ഥാനം ലഭിക്കുമെന്നാണ്‌ സൂചന.
നിയമനത്തില്‍ ഏറെ സന്തോഷമുണ്ടെന്ന്‌ ഡോക്ടര്‍ രാധാകൃഷ്‌ണന്‍ പ്രതികരിച്ചു. ഏറെ അഭിമാനകരമായ നേട്ടമാണ്‌ ഐഎസ്‌ആര്‍ഒയുടേത്‌. ഭാവിയിലും ഏറെക്കാര്യങ്ങള്‍ ചെയ്യാനുണ്ട്‌. രാജ്യത്തിന്‌ സ്വന്തമായ ക്രയോജനിക്‌ എഞ്ചിന്‍ വികസിപ്പിയ്‌ക്കലാണ്‌ ഏറ്റവും പ്രാമുഖ്യം കൊടുക്കുന്നതെന്ന്‌ അദ്ദേഹം തൃശൂരില്‍ പറഞ്ഞു. ബഹിരാകാശ ഗവേഷണത്തിന്റെ ഗുണഫലങ്ങള്‍ സാധാരണ ജനങ്ങള്‍ക്കിടയിലേക്ക്‌ എത്തിയ്‌ക്കുകയാണ്‌ തന്റെ ലക്ഷ്യമെന്ന്‌ അദ്ദേഹം വ്യക്തമാക്കി.
