പീഡനക്കുറ്റം ചുമത്താനാകില്ലെന്ന് സന്തോഷ് മാധവന്
കൊച്ചി: വീഡിയോ ദൃശ്യങ്ങളുടെ അടിസ്ഥാനത്തില് തനിക്കെതിരെ ബലാല്സംഗക്കുറ്റം ചുമത്താന് കഴിയില്ലെന്ന് വിവാദസ്വാമി സന്തോഷ് മാധവന്.
വിചാരണക്കോടതിയില് പൊലീസ് ഹാജരാക്കിയ സിഡി ദൃശ്യങ്ങളില് ബലാല്സംഗം നടന്നതായി കാണാനാവില്ലെന്ന് സന്തോഷിന്റെ അഭിഭാഷകന് വാദിച്ചു.
എന്നാല് വീഡിയോ സിഡികളില് നിന്നും പെണ്കുട്ടികളെ ലൈംഗികമായി പീഡിപ്പിച്ചിട്ടുണ്ടെന്ന് കണ്ടെത്താന് കഴിയുമെന്ന് പ്രോസിക്യൂഷന് ഡയറക്ടര് ജനറല് വിജെ ഗോവിന്ദന് നായര് കോടതിയില് ആവശ്യമുന്നയിച്ചു. സന്തോഷിന് ജാമ്യം അനുവദിച്ചാല് അത് സമൂഹത്തിന് തെറ്റായ സന്ദേശം നല്കുമന്നും പ്രോസിക്യൂഷന് വാദിച്ചു.
പെണ്കുട്ടികളെ പീഡിപ്പിക്കുന്നതിന്റെ ദൃശ്യങ്ങള് വീഡിയോ കാമറയില് പകര്ത്തി സന്തോഷ് ബാങ്ക് ലോക്കറില് സൂക്ഷിച്ചിരുന്നു. ഇതില് നിന്നുള്ള ദൃശ്യങ്ങള് പരിശോധിച്ചാണ് ബലാല്സംഗം നടന്നതായി വിചാരണക്കോടതി കണ്ടെത്തിയത്. ബാല്സംഗം നടന്നതായി പെണ്കുട്ടിയെ പരിശോധിച്ച ഡോക്ടറും മൊഴി നല്കിയിട്ടുണ്ട്.
കേസിന്റെ ഈ ഘട്ടത്തില് സിഡികള് പരിശോധിക്കേണ്ട ആവശ്യമില്ലെന്നും അപ്പീല് വാദത്തിനിടെ അവ പരിശോധിക്കാമെന്നുമാണ് ജസ്റ്റിസ് വി രാംകുമാര് വ്യക്തമാക്കിയിരിക്കുന്നത്.