പിഡിപിയുടെ പിന്തുണ ആവശ്യമില്ല: ഇസ്‌മയില്‍

ആലപ്പുഴ: ജയിക്കാന്‍ വേണ്ടി ആദര്‍ശം മാറ്റിവയ്‌ക്കാന്‍ തയ്യാറല്ലെന്ന്‌ സിപിഐ സംസ്ഥാന അസിസ്റ്റന്റ്‌ സെക്രട്ടറി കെ ഇ ഇസ്‌മയില്‍. ഉപതിരഞ്ഞെടുപ്പില്‍ പിഡിപിയുടെ പിന്തുണ എല്‍ഡിഎഫിന്‌ ആവസ്യമില്ല.

എന്നാല്‍ ഐഎന്‍എല്ലുമായി ഉപതിരഞ്ഞെടുപ്പില്‍ സഹകരിക്കുന്നുണ്ട്‌. പിഡിപി ഇടതുമുന്നണിയുടെ ഘടകകക്ഷിയല്ല. കഴിഞ്ഞ പാര്‍ലമെന്റ്‌ തിരഞ്ഞെടുപ്പില്‍ത്തന്നെ സിപിഐ ഈ നിലപാട്‌ വ്യക്തമാക്കിയതാണ്‌- അദ്ദേഹം പറഞ്ഞു.

ആലപ്പുഴയില്‍ നടത്തിയ വാര്‍ത്താസമ്മേളനത്തില്‍ സംസാരിക്കുകയായിരുന്നു ഇസ്‌മയില്‍. ആലപ്പുഴയില്‍ പിഡിപി സ്ഥാനാര്‍ത്ഥി മത്സരിക്കുന്നുണ്ട്‌.

എറണാകുളത്തും കണ്ണൂരും പിഡിപി എല്‍ഡിഎഫിനെ പിന്തുണയ്‌ക്കാന്‍ തീരുമാനിച്ചിട്ടുണ്ടാകാമെന്നും ഇസ്‌മയില്‍ പറഞ്ഞു. ഇടതുമുന്നണിയുമായി സഹകരിക്കാന്‍ താല്‍പര്യം പ്രകടിപ്പിച്ച എന്‍സിപി മുന്നോട്ടുവന്നിട്ടുണ്ടെന്നും ഇസ്‌മയില്‍ പറഞ്ഞു.

ഏതാനും ദിവസം മുമ്പ്‌ സിപിഐയ്‌ക്കെതിരെ പിഡിപി ചെയര്‍മാന്‍ അബ്ദുള്‍ നാസര്‍ മദനി രൂക്ഷമായ വിമര്‍ശനം നടത്തിയിരുന്നു. സിപിഐയ്‌കക്‌ുവേണ്ടി വോട്ട്‌ ചെയ്യില്ലെന്നും മദനി വ്യക്തമാക്കിയിരുന്നു.