മാവോവാദികള്‍ക്കെതിരെ സൈനികനടപടിയില്ല: ആന്റണി

തിരുവനന്തപുരം: രാജ്യത്ത് കനത്ത ആക്രമണങ്ങള്‍ നടത്തിക്കൊണ്ടിരിക്കുന്ന മാവോവാദികള്‍ക്കെതിരെ തല്‍ക്കാലം സൈനിക നടപടി കൈക്കൊള്ളാന്‍ ഉദ്ദേശിക്കുന്നില്ലെന്ന് കേന്ദ്രപ്രതിരോധ മന്ത്രി എകെ ആന്റണി പറഞ്ഞു.

മാവോവാദികള്‍ക്കെതിരെ സംസ്ഥാന പൊലീസിനെ സഹായിക്കാന്‍ അര്‍ദ്ധസൈനിക വിഭാഗത്തെ നിയോഗിക്കുമെന്നും അദ്ദേഹം പറഞ്ഞു.

പാകിസ്താന്‍ അതിര്‍ത്തി പ്രദേശങ്ങളില്‍ തീവ്രവാദി ക്യാമ്പുകള്‍ സജീവമാണ്. ഈ ക്യാമ്പുകള്‍ തകര്‍ക്കാന്‍ പാകിസ്താന്‍ ആത്മാര്‍ത്ഥമായി ശ്രമിക്കണം- ആന്റണി ആവശ്യപ്പെട്ടു.

ആസിയാന്‍ കരാര്‍ ബോധപൂര്‍വ്വം രാഷ്ട്രീയവല്‍ക്കരിക്കാന്‍ കേരള സര്‍ക്കാര്‍ ശ്രമിക്കുന്നത് നിര്‍ഭാഗ്യകരമണ്. കരാറിലെ നെഗറ്റീവ് പട്ടികയെക്കുറിച്ച് യാതൊരു സംശയവും വേണ്ട.

ഉപതിരഞ്ഞെടുപ്പിലെ ജനവിധി ലോക്‌സഭാ തിരഞ്ഞെടുപ്പിന്റെ തുടര്‍ച്ചയായിരിക്കും. ഇടത് സര്‍ക്കാറിന് ജനങ്ങള്‍ ചുട്ട മറുപടി നല്‍കും.