കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ശശി തരൂര്‍ പെരുമാറ്റച്ചട്ടം ലംഘിച്ചതായി പരാതി

Google Oneindia Malayalam News

Shashi Tharoor
കൊച്ചി: കേന്ദ്രമന്ത്രി ശശി തരൂരിനെതിരെ തിരഞ്ഞെടുപ്പ് ചട്ടം ലംഘിച്ചതിന് എല്‍ഡിഎഫ് പരാതി നല്‍കി.

എറണാകുളത്തെ യുഡിഎഫ് സ്ഥാനാര്‍ത്ഥി ഡൊമിനിക് പ്രസന്റേഷന്റെ പ്രചാരണത്തിനായി കൊച്ചിയിലെത്തിയ ശശി തരൂര്‍ എറണാകുളത്ത് സെന്റ് തെരേസാസ് കോളെജില്‍ നടത്തിയ പ്രസംഗം തിരഞ്ഞെടുപ്പ് ചട്ടങ്ങളുടെ ലംഘനമാണെന്നാണ് ആരോപണം.

ഇക്കാര്യം ചൂണ്ടിക്കാട്ടി എല്‍ഡിഎഫ് സ്ഥാനാര്‍ത്ഥി പി.എന്‍ സിനുലാലിന്റെ മുഖ്യതിരഞ്ഞെടുപ്പ് ഏജന്റും തിരഞ്ഞെടുപ്പ് കമ്മിറ്റി കണ്‍വീനറുമായ സിഎം ദിനേശ്മണി എംഎല്‍എയാണ് തിരഞ്ഞെടുപ്പ് കമ്മീഷന് പരാതി നല്‍കിയത്.

ശശി തരൂരിന്റെ കോളെജ് സന്ദര്‍ശം സംബന്ധിച്ച് മാധ്യമങ്ങളില്‍ വന്ന വാര്‍ത്തകളുടെ അടിസ്ഥാനത്തിലാണ് പരാതി. കോളെജില്‍ നടന്ന യോഗത്തില്‍ മന്ത്രി കേന്ദ്രസര്‍ക്കാറിന്റെ വിവിധ പദ്ധതികള്‍ വിശദീകരിക്കുകയും പോളിങ് ദിനമായ നവംബര്‍ ഏഴിന്റെ പ്രാധാന്യം ഓര്‍മ്മിക്കണമെന്ന് അഭ്യര്‍ത്ഥിക്കുകയും ചെയ്തുവെന്ന് പരാതിയില്‍ ചൂണ്ടിക്കാണിക്കുന്നു.

കേന്ദ്രത്തിലോ സംസ്ഥാനത്തിലോ അധികാരത്തിലുള്ള രാഷ്്ട്രീയ പാര്‍ട്ടിയുടെ പ്രതിനിധികള്‍ തിരഞ്ഞെടുപ്പ് പ്രചാരണത്തിനായി ഔദ്യോഗിക പദവികള്‍ ദുരുപയോഗം ചെയ്യരുതെന്നാണ് തിരഞ്ഞെടുപ്പ് കമ്മീഷന്റെ നിര്‍ദ്ദേശം. ഇതാണ് മന്ത്രി ലംഘിച്ചിരിക്കുന്നത്.

മാധ്യമറിപ്പോര്‍ട്ടുകളുടെ പകര്‍പ്പുകള്‍ സഹിതമാണ് സിപിഎം പാരതി നല്‍കിയിരിക്കുന്നത്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X