ഭീകരരെ കരടി കൊലപ്പെടുത്തി
ശ്രീനഗര്: കശ്മീരിലെ തീവ്രവാദികള്ക്കിത് കഷ്ടകാലം. വീടാക്രമിയ്ക്കാന് ചെന്ന ലക്ഷ്ക്കര് തീവ്രവാദികളെ മഴു കൊണ്ട് എതിരിട്ട് തോല്പ്പിച്ച ഒരു കൊച്ചു പെണ്ണ് നാടിന്റെ അഭിമാനമായി മാറിയിട്ട് അധികകാലമായില്ല. ഇപ്പോഴിതാ ഒരു കരടിയും ഭീകരരെ കീഴ്പ്പെടുത്തി വാര്ത്തകളില് ഇടംപിടിയ്ക്കുന്നു. തെക്കന് കശ്മീരിലെ ദര്വാല് പീര് പഞ്ചല് മലനിരകളികളില് താവളമുറപ്പിച്ച രണ്ട് ഹിസ്ബുള് മുജാഹിദ്ദീന് ഭീകരരെയാണ് കരടി കൊലപ്പെടുത്തിയത്. കഴിഞ്ഞ ഇരുപത് വര്ഷത്തെ കശ്മീര് ഭീകരവാദ ചരിത്രത്തിലെ ആദ്യസംഭവമാണിത്.
ഗുഹയില് കടന്നുകയറിയ ഭീകരരെ കരടി ആക്രമിച്ച് കൊലപ്പെടുത്തുകായയിരുന്നുവെന്ന് സൈനികവൃത്തങ്ങള് പറഞ്ഞു. ഞായറാഴ്ച രാത്രിയായിരുന്നു സംഭവം. തിങ്കളാഴ്ച രാവിലെ പട്രോളിങിനിറങ്ങിയ സൈനികരാണ് ജഡങ്ങള് കണ്ടെത്തിയത്. പിന്നീട് നടത്തിയ പരിശോധനയിലാണ് ഇവര് ഹിസ്ബുള് മുജാഹിദ്ദീന്റെ കമാന്ഡര്മാരാണെന്ന് വ്യക്തമായത്.
വൈദ്യപരിശോധനയില് രണ്ട് പേരും കൊല്ലപ്പെട്ടത് കരടിയുടെ ആക്രമണത്തിലാണെന്ന് വ്യക്തമായതായി ലഫ്റ്റനന്റ് കേണല് ജെ എസ് ബ്രാര് പറഞ്ഞു. കശ്മീര് സ്വദേശികളായ കൈസര് അഹമ്മദ്, സെയ്ഫുള്ള എന്നിവരുടെ ജഡങ്ങളാണിതെന്ന് തിരിച്ചറിഞ്ഞിട്ടുണ്ട്. സംഭവസ്ഥലത്ത് നിന്ന് രണ്ട് എകെ 47 തോക്കുകള് ലഭിച്ചിട്ടുണ്ട്.
Click it and Unblock the Notifications
Sign in with Google