ഭര്ത്താവിനെ മയക്കി ഭാര്യയെ മാനഭംഗപ്പെടുത്തി
ഒറ്റപ്പാലം: ഭര്ത്താവിനെ മദ്യംകൊടുത്ത് മയക്കിയശേഷം മുപ്പത്തിയൊന്നുകാരിയായ ദളിത് യുവതിയെ മാനഭംഗപ്പെടുത്തി.
ചെര്പ്പുളശേരി സ്വദേശിനിയാണ് മാനഭംഗത്തിനിരയായത്. ഇവരുടെ പരാതിയിന്മേല് പൊലീസ് റയില്വേ ജോലിക്കാരനായ മോഹന്നെ(51) അറസ്റ്റ് ചെയ്തു.
ഒറ്റപ്പാലത്തെ റയില്വേ ക്വാട്ടേഴ്സിലെ താമസക്കാരനാണ് ഗ്യാങ്മാനായ മോഹന്. മോഹന് താമസിക്കുന്ന ക്വാട്ടേഴ്സില് വച്ച് ഒക്ടോബര് 31നാണ് കേസിനാസ്പദമായ സംഭവം നടന്നത്.
ഭര്ത്താവും മകളുമൊന്നിച്ച് ഭര്ത്താവിന്റെ സുഹൃത്തായ മോഹനന്റെ ക്വാട്ടേഴ്സില് താമസിച്ചപ്പോഴാണ് താന് മാനഭംഗത്തിനിരയായതെന്ന് യുവതിയുടെ പരാതിയില് പറയുന്നു.
രാത്രിയില് ഇവരുടെ ഭര്ത്താവും മോഹനനും ഒരുമിച്ചിരുന്ന് മദ്യപിച്ചു. മദ്യപിച്ച് ലക്കുകെട്ട് ഭര്ത്താവ് മയക്കിത്തിലായപ്പോള് മോഹന് തന്നെ മാനഭംഗപ്പെടുത്തുകയായിരുന്നുവെന്നുവെന്നാണ് പരാതി.
യുവതിയുടെ നഗ്നചിത്രം ക്യാമറയില് പകര്ത്തി സംഭവം പുറത്തുപറഞ്ഞാല് കൊല്ലുമെന്ന് മോഹന് ഭീഷണിപ്പെടുത്തുകയും ചെയ്തിട്ടുണ്ടത്രേ.
സംഭവം കഴിഞ്ഞ് മൂന്നാം ദിവസമാണ് ഇവര് ഇക്കാര്യം ഭര്ത്താവിനോട് പറയുന്നത്. തുടര്ന്ന് ശാരീരികാസ്വാസ്ഥ്യത്തെത്തുടര്ന്ന് ചെര്പ്പുളശേരി സര്ക്കാര് ആശുപത്രിയില് ചികിത്സ തേടി.
ഇതേ ചിത്രം കാണിച്ച് ഇയാള് യുവതിയെ വീണ്ടും ഭീഷണിപ്പെടുത്തിയപ്പോഴാണ് ഇവര് പൊലീസിനെ സമീപിച്ചത്. മോഹന്ന്റെ മൊബൈല് ഫോണ് പൊലീസ് കസ്റ്റഡിയില് എടുത്തിട്ടുണ്ട്.
ഇയാളെ വെള്ളിയാഴ്ച കോടതിയില് ഹാജരാക്കും. ഇതിന് ശേഷം സംഭവം റയില്വേ പൊലീസില് റിപ്പോര്ട്ട് ചെയ്യുമെന്ന് കേസന്വേഷിക്കുന്ന ഒറ്റപ്പാലം ഡിവൈഎസ്പി എംകെ പുഷ്കരന് പറഞ്ഞു.